ԱՐԴԻԱԿԱՆ ԹԵՄԱՆԵՐ
  • Չինաստանը նպատակ ունի մինչ 2025 թվականը վերամշակել քաղաքային կենցաղային թափոնների 60 տոկոսը
    Չինաստանը մտադիր է վերամշակել քաղաքային թափոնների 60 տոկոսը մինչեւ 2025 թվականը` փորձելով բարելավել իր վերամշակման կարողությունները, հաղորդում է Reuters-ը: Թափոնների աճող ծավալի հետ աշխատանքը դարձել է Չինաստանի կարգավորող մարմինների առջեւ ծառացած ամենամեծ մարտահրավերներից մեկը աճող քաղաքային բնակչության պատճառով, որը գնալով ավելի շատ ապրանք է սպառում, եւ խոշոր քաղաքների մեծ մասը շրջապատված է աղբավայրերով: Զարգացման եւ բարեփոխումների ազգային հանձնաժողովը (NDRC) հայտնել է, որ անցյալ տարի քաղաքային թափոնների վերամշակման հզորությունը հասել է 1,27 մ
  • ՊԳԿ-ի գլխավորությամբ պատրաստված Եվրոպայի և Կենտրոնական Ասիայի պարենային անվտանգության և սնուցման 2020 թ. զեկույցը ներկայացնում է առողջ սննդակարգի արժեքը
    Մատչելի, առողջ սննդակարգը կարող է սնուցման և կենսակայունության դրական զարգացումների հանգեցնել Չնայած վերջին 20 տարիներին  սովը Եվրոպայի և Կենտրոնական Ասիայի համար մեծ խնդիր չի հանդիսացել, սակայն տարածաշրջանը չափավոր պարենային անապահովության խնդրի առջև է կանգնել, ինչը սննդարար և բավարար չափով սննդամթերքի անկանոն հասանելիություն է նշանակում։ Տարածաշրջանը, միեւնույն ժամանակ, առերեսվում է գիրության խնդրի արագընթաց ծավալման, որը հարցականի տակ  է դնում Կայուն զարգացման նպատակ (ԿԶՆ) 2-ում արտացոլված՝ պարենային ապահովության և բարելավված
  • Պետաջակցության ծրագրով Արցախի 909 հարկ վճարողների ավելի քան 258 մլն դրամ է փոխանցվել
    Արցախի Հանրապետության ռեզիդենտ ոչ պետական կազմակերպություններին և անհատ ձեռնարկատերերին աշխատավարձի և դրան հավասարեցված այլ վճարումների մասով հաշվարկված և վճարված եկամտային հարկի գումարի չափով պետական աջակցության ծրագրով 909 հարկ վճարողների բանկային հաշիվներին փոխանցվել է շուրջ 258,7 մլն դրամ գումար: Այս մասին «Արցախպրես»-ին տեղեկացրին Արցախի պետական եկամուտների կոմիտեից՝հավելելով, որ շարունակվում է  ռեզիդենտ ոչ պետական կազմակերպություններին և անհատ ձեռնարկատերերին աշխատավարձի և դրան հավասարեցված այլ վճարումների մասով հաշվարկվ
  • Վերլուծաբանները 2025-2026թթ. համաշխարհային տնտեսական նոր ճգնաժամի կանխատեսումներ են արել
    Փորձագետների կանխատեսումներով` 2025-2026 թվականներին աշխարհին տնտեսական ճգնաժամի նոր ալիք է սպառնալու: Ինչպես հայտնում է Свободная Пресса-ն, Մակրոտնտեսական վերլուծության և կարճաժամկետ կանխատեսման կենտրոնի զեկույցում նշվում է, որ ներկայիս դրամական խթաններն արագորեն կակտիվացնեն շուկաները`ժամանակի հետ հանգեցնելով դրանց «գերտաքացմանը», իսկ «տնտեսությունը զովացնել», մասնագետների կարծիքով, հնարավոր կլինի միայն հերթական ցիկլային ակնման շնորհիվ: Կենտրոնի փորձագետները կանխատեսում են, որ կորոնավիրուսի համավարակը կավարտվի 2021 թվականի կես
  • Հայաստանի տարածքում նամակի առաքումը 70 դրամից հասել է 230-ի. միջազգային առաքման սակագներն առավել սարսափեցնող են
    Մայիսի 1-ից «Հայփոստ» ՓԲԸ-ն զգալի թանկացրել է ներհանրապետական առաքման սակագները: Միջազգային սակագները ընկերությունը, մեղմ ասած, վերանայել էր դեռեւս տարեսկզբին, երբ հայտարարեց, որ նպատակադրվել է այսուհետ վնասով չաշխատել: Գրեթե եռակի բարձրացվեցին միջազգային առաքման գները: Օրինակ՝ եթե Հայաստանի տարածքում նախկինում փոստային բացիկների առաքման արժեքն էր հասարակը 35 դրամ, պատվիրվածը՝ 85, այժմ երկուսն էլ դարձել են 230 դրամ: Մինչեւ 20 գրամ քաշով հասարակ նամակը, եթե նախկինում արժեր 70 դրամ, այժմ դրա գինը 230 դրամ է, այսինքն թանկացել է միանգամից 160 դրամ
  • Արցախում գյուղատնտեսության զարգացման նոր հայեցակարգ կմշակվի
    Արցախի Հանրապետության նախագահ Արայիկ Հարությունյանը մայիսի 6-ին հրավիրել է աշխատանքային խորհրդակցություն  գյուղատնտեսության ոլորտի պատասխանատուների ու շրջանային վարչակազմերի ղեկավարների մասնակցությամբ: Արցախի նախագահի աշխատակազմից NEWS.am-ին հայտնում են, որ քննարկվել են Արցախի գյուղատնտեսական առկա ներուժի հնարավորինս արդյունավետ օգտագործմանն առնչվող հարցեր:Նախագահ Հարությունյանի խոսքով՝ անցած տարվա սեպտեմբերին Ադրբեջանի կողմից Արցախի դեմ սանձազերծված պատերազմի հետևանքով ստեղծված իրավիճակում անհրաժեշտ է փոխել մոտեցումները գյու
  • ՀՀ կենտրոնական բանկի նախագահ. Աշխարհում կրկին սննդամթերքի գների աճ է նկատվում
    Մարտին համաշխարհային պարենային ապրանքների շուկաներում գների աճը դանդաղել էր, սակայն հիմա կրկին աճ է նկատվում, ինչը կապված է դրական սպասումների հետ հետկորոնավիրուսային շրջանում: Այս մասին մայիսի 4-ին լրագրողների հետ հանդիպման ժամանակ ասաց ՀՀ կենտրոնական բանկի նախագահ Մարտին Գալստյանը: Նրա խոսքով՝ անհնար է հաշվի չառնել գների աճը համաշխարհային շուկաներում, քանի որ ներմուծումը մեծ տեղ ունի Հայաստանի տնտեսության մեջ: Նա հիշեցրեց, որ համաշխարհային շուկայում բուսական յուղի եւ ճարպերի գներն աճել են շուրջ 80 տոկոսով, շաքարինը՝ 40 տոկոսով, աճել են ն
    Թեժ գիծ
    +374 (047) 959555
    ՄԵՐ ՄԱՍԻՆ

    Պատմությունը


    2006 թվականի դեկտեմբերի 6-ին ընդունվեց <<Հանրային ծառայությունները և տնտեսական մրցակցությունը կարգավորող մարմնի մասին>> Լեռնային Ղարաբաղի Հանրապետության օրենքը:
    2007 թվականի հուլիսի 12-ին, սույն օրենքի 7-րդ հոդվածի 2-րդ կետի համաձայն, Լեռնային Ղարաբաղի Հանրապետության նախագահ Ա.Ղուկասյանի հրամանագրով նշանակվեցին Հանձնաժողովի անդամները`

    Վաչե Սուրենի Ադամյան` հանձնաժողովի նախագահ  
      (պաշտոնավարման ժամկետը`5 տարի),  
    Գարի Զոհրապի Ավանեսյան` հանձնաժողովի նախագահի տեղակալ
      (պաշտոնավարման ժամկետը`4 տարի),
      Անդրեյ Վլադիմիրի Մուսայելյան` հանձնաժողովի անդամ 
      (պաշտոնավարման ժամկետը`3 տարի),
      Աիդա Արտյոմի Ավագյան` հանձնաժողովի անդամ 
      (պաշտոնավարման ժամկետը`2տարի),
      Հայկ Ցոլակի Թորոսյան` հանձնաժողովի անդամ  
      (պաշտոնավարման ժամկետը`1 տարի):

    2008 թվականին Հայկ Ցոլակի Թորոսյանը պաշտոնավարման ժամկետը լրանալուց հետո վերանշանակվել է հանձնաժողովի անդամ (պաշտոնավարման ժամկետը`5 տարի):

    Հանձնաժողովի գործունեությունը վերաբերում է հանրային ծառայությունների և տնտեսական մրցակցության ոլորտների կարգավորմանը, ինչը պետական քաղաքականության մաս է, և որի նպատակն է կարգավորող մարմնի կողմից օրենքներով սահմանված իր իրավունքների և պարտականությունների իրականացմամբ հավասարակշռել սպառողների ու հանրային ծառայությունների և տնտեսական մրցակցության ոլորտում կարգավորվող գործունեություն իրականացնող անձանց շահերը, կարգավորվող անձանց համար ստեղծել գործունեության միատեսակ պայմաններ, նպաստել մրցակցային շուկաների ձևավորմանն ու զարգացմանը և խթանել ռեսուրսների արդյունավետ օգտագործմանը:

    Հանձնաժողովի գործունեության ոլորտում ընդգրկվեցին `

    ա) էներգետիկայի բնագավառը, որը ներառում է էլեկտրաէներգետիկական, ջերմամատակարարման և գազամատակարարման համակարգերը,
    բ) ջրային համակարգը, որը ներառում է խմելու, ոռոգման, արդյունաբերական ջրի մատակարարումը, ջրահեռացումը և կեղտաջրերի մաքրումը,
    գ) հեռահաղորդակցության (էլեկտրոնային հաղորդակցություն), այդ թվում` հեռուստատեսության և ռադիոյի բնագավառը,
    դ) տնտեսական մրցակցության պաշտպանության բնագավառը,

    հետագայում ընդգրկվեցին նաև`

    ե) փոստային կապի բնագավառը` համաձայն 2007 թվականի սեպտեմբերի 5-ի <<<<Հանրային ծառայությունները և տնտեսական մրցակցությունը կարգավորող մարմնի մասին>> Լեռնային Ղարաբաղի Հանրապետության օրենքում լրացումներ և փոփոխություններ կատարելու մասին>> ԼՂՀ օրենքի,
    զ) տրանսպորտային միջոցների պարտադիր տեխնիկական զննության անցկացման բնագավառը` սակագների սահմանման ու վերանայման մասով` համաձայն 2008 թվականի մայիսի 14-ի <<<<Հանրային ծառայությունները և տնտեսական մրցակցությունը կարգավորող մարմնի մասին>> Լեռնային Ղարաբաղի Հանրապետության օրենքում լրացումներ կատարելու մասին>> ԼՂՀ օրենքի:

    Կարգավորման հիմնական սկզբունքներն են` 

    ա) կարգավորման իրականացումն ինքնուրույն պետական մարմնի կողմից` օրենքներով լիազորված իրավասությունների շրջանակում,
    բ) կարգավորող մարմնի որոշումների ընդունման կոլեգիալությունը,
    գ) կարգավորման թափանցիկության և հրապարակայնության ապահովումը հասարակության համար,
    դ) սպառողների կամ որևէ կարգավորվող անձի նկատմամբ խտրականության բացառումը,
    ե) սպառողների և կարգավորվող անձանց շահերի հավասարակշռումը,
    զ) մրցակցային շուկաների զարգացմանն համընթաց` կարգավորման շրջանակների սահմանափակումը:

    Հանձնաժողովի կողմից լուրջ քայլեր ձեռնարկվեցին գործունեության համար անհրաժեշտ օրենսդրական դաշտի ստեղծման ուղղությամբ:
      2007 թվականին ընդունվեց 23 որոշում: 
    2008 թվականին կարգավորման օրենսդրական դաշտը համալրվեց ևս 74 որոշմամբ:
    Միաժամանակ միջոցառումներ իրականացվեցին աշխատակազմի համալրման և աշխատակիցների վերապատրաստման ուղղությամբ: 
    Վերը նշված գործընթացները շարունակական բնույթ են կրում:  
    Հանձնաժողովն ունի գործունեության հստակ ծրագիր և կատարում է համապատասխան քայլեր Լեռնային Ղարաբաղի Հանրապետության հանրային ծառայությունների և տնտեսական մրցակցության ոլորտում պետական կարգավորման ինստիտուտի կայացման, միջազգային կառույցներում ինտեգրման, նմանատիպ այլ հանձնաժողովների հետ համագործակցության ամրապնդման ուղղությամբ: