ԱՐԴԻԱԿԱՆ ԹԵՄԱՆԵՐ
  • ՌԴ-ն կխստացնի պատիժը ԵԱՏՄ-ից ալկոհոլի եւ ծխախոտի մաքսանենգ ներմուծման համար
    Ռուսաստանի ֆինանսների նախարարությունը մշակել է կառավարության որոշման նախագիծ՝ Եվրասիական տնտեսական միության (ԵԱՏՄ) այլ երկրներից ավելի քան 100 հազ․ ռուբլի արժողությամբ ալկոհոլային եւ ծխախոտային արտադրանքի ապօրինի ներմուծման համար քրեական պատասխանատվություն սահմանելու մասին: «Կոմերսանտ»-ի փոխանցմամբ՝ հարցը քննարկվել է ս․թ․ մայիսի 18-ին Եվրասիական տնտեսական հանձնաժողովի խորհրդի նիստում՝ ՌԴ նախաձեռնությամբ։ Մասնավորապես, քննարկվել են առանց հարկերի վճարման ալկոհոլային եւ ծխախոտային արտադրանքը Ռուսաստանում անլեգալ շրջանառության մեջ
  • «Գազի ընդհանուր շուկայի ստեղծման մասին պայմանագիրը պատրաստ կլինի այս տարի և կուղարկվի ԵԱՏՄ անդամ երկրներին». Մյասնիկովիչ
    Եվրասիական տնտեսական հանձնաժողովը աշխատում է գազի ընդհանուր շուկա ստեղծելու մասին միջազգային պայմանագրի նախագծի վրա: «Արմենպրես»-ի հաղորդմամբ՝ այս մասին հունիսի 21-ին տեղի ունեցած ճեպազրույցի ժամանակ հայտնել է Եվրասիական տնտեսական հանձնաժողովի (ԵՏՀ) կոլեգիայի նախագահ Միխայիլ Մյասնիկովիչը՝ ամփոփելով Բելառուսի գործարար համայնքի հետ հանդիպման արդյունքները: «Թեման առաջին տարին չէ, որ քննարկվում է, և մենք մեր առաջ խնդիր ենք դրել, որ այս տարվա ընթացքում փաստաթուղթը պատրաստ լինի և ուղարկվի անդամ երկրներին՝ ներպետական ընթացակարգերն իրական
  • ՄԱԿ. Երաշտը կարող է վերածվել հաջորդ համավարակի
    Ջրի սակավությունն ու երաշտը այն մասշտաբի վնաս կհասցնեն, որը համադրելի կլինի COVID-19-ի համավարակի հետ, ընդ որում՝ ռիսկերը արագորեն կաճեն գլոբալ ջերմաստիճանի բարձրացմանը զուգընթաց, հայտնում է Thomson Reuters Foundation-ը: «Երաշտը կարող է վերածվել հաջորդ համավարակի, եւ չկա դրա բուժման պատվաստանյութ»,- ՄԱԿ-ի զեկույցի հրապարակումից առաջ կայացած մամուլի ասուլիսում հայտարարել է աղետների ռիսկի նվազեցման հարցով ՄԱԿ-ի հատուկ ներկայացուցիչ Մամի Միզուտորին: Ըստ զեկույցի՝ երաշտները 1998-2017թթ․ արդեն հանգեցրել են առնվազն 124 միլիարդ դոլարի տնտեսական կորուստների եւ առն
  • ՀԲ. Հայաստանը կլիմայի փոփոխության ռիսկի տեսանկյունից՝ Արևելյան Եվրոպայի և Կենտրոնական Ասիայի չորրորդ ամենախոցելի երկիրն է
    Կլիմայի փոփոխության նկատմամբ խիստ խոցելի վիճակում գտնվող Հայաստանը ձեռնամուխ է եղել անտառածածկ տարածքների ընդարձակմանը և անտառներից ածխածնի կրճատմանը՝ նվազեցնելով վառելափայտի պահանջարկը և ներդնելով կենսակայուն և անտառների կառավարման՝ կլիմային հարմարեցված հմտություններ։ ՄԱԿ-ի Պարենի և գյուղատնտեսության կազմակերպության փոխանցմամբ, այս աշխատանքները նախատեսվում են ՄԱԿ-ի Պարենի և գյուղատնտեսության կազմակերպության (ՊԳԿ) անտառաբուծության ծրագրի միջոցով, որը Կանաչ կլիմայի հիմնադրամի (ԿԿՀ) կողմից ֆինանսավորվող առաջին լայնածավալ ծրագիրն
  • Հայաստանի կենտրոնական դեպոզիտարիան գործարկել է «CDAօnline» հավելվածը
    Հայաստանի կենտրոնական դեպոզիտարիան ստեղծել է «CDAօnline» հավելվածը, որտեղ հնարավոր է առցանց ստանալ տեղեկություններ արժեթղթերի հաշվից եւ փոխանցումների հանձնարարականներ տալ։ Հավելվածում ներդրողների եւ թողարկողների համար գործարկվել է նաեւ էլեկտրոնային քվեարկության՝ միջազգային ստանդարտներին համապատասխան մեխանիզմ, որն առաջինն է Հայաստանում։  «CDAօnline» հավելվածի միջոցով կարելի է տեղեկանալ ժողով հրավիրելու, դրա ժամկետների, օրակարգի մասին, ստանալ կից փաստաթղթերը, ժողովի ընթացքում հարցեր ուղղել թողարկողին (բաժնետիրական ընկերությանը)
  • Գերմանիայում սկսել են անբարեխիղճ հարկատուներով «զբաղվել»
    Գերմանիայի ֆինանսների նախարար Օլաֆ Շոլցը ակնկալում է բացահայտել մասշտաբային հարկային խարդախությունները՝ օգտագործելով Դուբայում Գերմանիայի քաղաքացիների ունեցվածքի մասին տվյալները, գրել է DW-ն: Գերմանիայի Դաշնային հարկային վարչությունը, ԳԴՀ ֆինանսների նախարար Օլաֆ Շոլցի անձնական ցուցումով, գնել է սկավառակ, որը պարունակում է «հարկերի հետ կապված տվյալներ Դուբայի Էմիրությունից»: «Խոսքը հնարավոր հարկային հանցագործությունները բացահայտելու մասին է: Հարկերից խուսափելը աննշան իրավախախտում չէ, այլ հանցագործություն է: Այս պարագայում զիջո
  • Թվային յուանը կարող է օգնել հարուստներին
    Իր թվային տարադրամը համաշխարհային մակարդակի դուրս բերելու հարցում Չինաստանի ծրագիրը, հնարավոր է, գտել է իր մեկնարկային կետը՝ Հոնկոնգում կապիտալի կառավարման ոլորտը, գրում է Bloomberg-ը: Անցած ամիս Չինաստանի Ժողովրդական բանկը հրապարակել է մանրամասն հրահանգներ Wealth Management Connect ծրագրի համար, որը թույլ կտա հարավ-արեւելյան մասերում որակավորված անհատական ներդրողներին ներդնել ընդհանուր առմամբ 150 միլիարդ յուան (23 միլիարդ դոլար) օֆշորներում հարեւան Հոնկոնգի եւ Մակաոյի բանկերի միջոցով: Երկու առանձնահատուկ վարչական շրջանների բնակիչները կօգնեն ներդնել ն
    Թեժ գիծ
    +374 (047) 959555
    Կայացել է «Հայաստան-Սփյուռք կայուն տնտեսական գործընկերության ուրվագծում» գործարար խորհրդաժողովը

    Երևանում հոկտեմբերի 10-ին անցկացվել է «Հայաստան-Սփյուռք կայուն տնտեսական գործընկերության ուրվագծում» խորագրով Հայկական առևտրային ցանցի 4-րդ գործարար խորհրդաժողովը։
    Միջոցառումը կազմակերպվել էր Հայկական առևտրային ցանցի (ATN) նախաձեռնությամբ և ՀՀ կառավարության, Հայաստանի արդյունաբերողների և գործարարների միության, Հայաստանի և Սփյուռքի առևտրաարդյունաբերական պալատների և գործարար խորհուրդների համագործակցությամբ։
    Խորհրդաժողովին մասնակցել են գործարարներ Սփյուռքից և Հայաստանից,  ՀՀ կառավարության, Ազգային ժողովի, պետական կառույցների, առևտրաարդյունաբերական պալատների, Արդյունաբերողների և գործարարների միության, մասնավոր և հասարակական կազմակերպությունների ներկայացուցիչներ։
    Խորհրդաժողովի շրջանակներում կազմակերպված «Սփյուռքի մասնակցությունը Հայաստանի տնտեսական զարգացման գործին» թեմայով քննարկման ընթացքում  ՀՀ էկոնոմիկայի նախարարի տեղակալ Վարոս Սիմոնյանը ներկայացրել է ՀՀ կառավարության, մասնավորապես, ՀՀ էկոնոմիկայի նախարարության կողմից իրականացվող տնտեսական քաղաքականությունը, առկա գործիքակազմը, որ այսօր ունի կառավարությունը, ներդրումների ներգրավման, արտահանման խթանման, ինչպես նաև նոր շուկաների ձևավորման ուղղությամբ իրականացվող աշխատանքները, արտոնյալ առևտրային ռեժիմները, որոնցից կարող է օգտվել Հայաստանը, անդրադարձել Հայաստան-Սփյուռք համագործակցության ակտիվացման ուղղությամբ անհրաժեշտ քայլերին և գործընթացներին։ 
    Իր խոսքում Վարոս Սիմոնյանը կարևորել է հաղորդակցության և տեղեկատվության տրամադրման ճիշտ գործընթացների կազմակերպման հարցը։ «Ճիշտ համագործակցության, ճիշտ գործընթացներ կազմակերպելու միջոցով հնարավոր է հասնել հաջողության։ Հայկական առևտրային ցանցը մեծ հնարավորություն է համախմբելու Սփյուռքի այն ներուժը, որ մենք ունենք։ Ցանցի անդամներ են հանդիսանում կոնկրետ երկրներում առևտրաարդյունաբերական պալատները և, համակարգված գործակցության արդյունքում, գործարարներին անհրաժեշտ տեղեկատվությունը՝ դասակարգված,  հավաքագրված կերպով կարող է  տրամադրվել ցանցին, ցանցն այն կփոխանցի իր անդամներին, անդամներն էլ՝ գործարար հատվածին, ինչը հնարավորություն կտա վերջիններիս տիրապետելու առկա տեղեկատվությանը, իրազեկվելու իրականացվող բարեփոխումներին, ներդրումների ներգրավման, արտահանման խթանման ուղղությամբ կառավարության կողմից ձեռնարկվող քայլերին»։
    Նա նաև նշել է, որ ՀՀ էկոնոմիկայի նախարարությունը պատրաստ է օժանդակելու ցանկացած ներդրողի՝ տեղեկատվության տրամադրման, ինչպես նաև Հայաստանում գործունեություն իրականացնելու հետ կապված գործընթացներին ծանոթացնելու համար։
    «Հայաստան-Սփյուռք բիզնես օրակարգի արդյունավետության բարձրացում» թեմայով քննարկմանը մասնակցել է ՀՀ էկոնոմիկայի նախարարի տեղակալ Նաիրա Մարգարյանը։ Փոխնախարարն անդրադարձել է տնտեսության մեջ ներառականությանը, որն այսօր առաջնային է Հայաստանի համար՝ նշելով, որ ՓՄՁ-ները մեծ դեր են խաղում դրա մեջ։ Որպես ՓՄՁ-ների զարգացմանը խոչընդոտող հանգամանք, նա նշել է ֆինանսական ռեսուրսների հասանելիությունը, ձեռներեցական, բիզնես  գիտելիքների պակասը։ Ներքին և արտաքին շուկաների զարգացման գործում Նաիրա Մարգարյանը կարևորել է Հայաստան-Սփյուռք հարթակի ստեղծումը, որը հնարավորություն կտա Սփյուռքի կողմից ներգրավելու ներդրումներ, իրրականացնելու մենթորական ծրագրեր, ինչպես նաև իրենց երկրներում, առկա կապերի միջոցով ապահովել շուկաների հասանելիություն։ 
    Քննարկումների ընթացքում Էկոնոմիկայի փոխնախարարները պատասխանել են մասնակիցների հարցերին և ներկայացրել իրենց տեսակետները Հայաստան-Սփյուռք տնտեսական կապերի զարգացման մարտահրավերներին առնչվող հարցերի վերաբերյալ։   
    Հայկական առևտրային ցանցը միակ միջոլորտային համահայկական գործարար կազմակերպությունն է, որը ներառում է 17 բիզնես միություններ՝ 13 երկրներում։ Կազմակերպության նպատակն է վերակառուցել հայկական դարավոր առևտրային ցանցերը՝ նպաստելով նոր գործարար կապերի առաջացմանը և ստեղծելով նոր հարթակ Սփյուռքի և Հայաստանի առևտրաարդյունաբերական պալատների և գործարար միությունների միջև՝ գիտելիքների և փորձի փոխանակման, ինչպես նաև Հայաստանի և Արցախի տնտեսական զարգացմանը նպաստելու համար։



    Նյութի  աղբյուրը՝     https://artsakhpress.am