ԱՐԴԻԱԿԱՆ ԹԵՄԱՆԵՐ
  • 4G ցանցը հասանելի է դարձել չինական գյուղերի 98%-ի համարյա
    4G ցանցը հասանելի է դարձել չինական գյուղերի 98%-ի համարյաՉինաստանի գյուղերում մանրաթելերի և 4G ցանցերի բաշխման մակարդակը 2019 թվականին հասել է 98 տոկոսի:Այս մասին հայտնում է ,Սինհուաե լրատվական գործակալությունը՝ վկայակոչելով Չինաստանի արդյունաբերության և տեղեկատվության նախարարության տրամադրած տվյալները: Արդյունաբերական բաժնի գլխավոր ինժեներ Չժան Ֆենգն իր խոսքում նշել է, որ Չինաստանում հեռահաղորդակցական ծառայությունների առաջընթացի շնորհիվ առաջացել է տարբեր համացանցային պլատֆորմների օգտագործման մասսայականացում:Օրինակ՝ չինացիները սիրում
  • Մինչև 2025 թվականի հունվարի 1-ը կգործի ԵԱՏՄ էլեկտրաէներգետիկ ընդհանուր շուկան
    Մինչև 2025 թվականի հունվարի 1-ը կգործի ԵԱՏՄ էլեկտրաէներգետիկ ընդհանուր շուկան Ղրղզստանում ԵՏՀ էլեկտրաէներգիայի հարցերով խորհրդատվական հանձնաժողովի քննարկման շրջանակներում հստակեցվել է ԵԱՏՄ էլեկտրաէներգետիկ ընդհանուր շուկայի գործարկման վերջնաժամկետը. այն կսկսի գործել մինչև 2025 թվականի հունվարի 1-ը։ԵԱՏՀ էներգետիկայի ենթակառուցվածքների նախարար Էմիլ Կայկիևի խոսքերով՝ ընդհանուր շուկայի ձևավորումը հնարավորություն կտա ձեռնարկատերերին ազատորեն ընտրել էներգակիրներ, ինչը դրականորեն կանդրադառնա արտադրության ինքնարժեքի վրա: Բացի այդ, դա կամրա
  • Կատարում փողոցները կապույտ գույնով են ներկում՝ ասֆալտի ջերմությունը նվազեցնելու նպատակով
    Կատարի հասարակական աշխատանքների անցկացման վարչությունը ճապոնական ընկերության հետ համատեղ սկսել է կյանքի կոչել Դոհայի կենտրոնում փորձնական ծրագիրը, որով փողոցները ներկում են կապույտ գույնով, հաղորդում է «ՌԻԱ Նովոստի»-ն՝ հղում անելով «Ար-Ռայա» թերթին:«Մուգ ասֆալտի ջերմաստիճանը 20 աստիճանով բարձր է, քան փաստացի ջերմությունը, որը սեւ գույնը ներքաշում է եւ ջերմություն հաղորդում, այդ պատճառով որոշում է ընդունվել փողոցները կապույտ գույնով ներկել, որպեսզի 15-20 աստիճանով նվազեցվի ասֆալտի ջերմությունը»,- թերթը մեջբերում է ինժեներ Սաադ ալ-Դոսերիի խ
  • Amazon-ը չվաճառված իրերը կտրամադրի բարեգործությանը
    Amazon ընկերությունը հայտարարել է Fulfillment by Amazon (FBA) Donations բարեգործական նախաձեռնության մասին։Դա թույլ կտա համապատասխան կազմակերպություններին ստանալ չվաճառված և վերադարձված ապրանքները ԱՄՆ և Մեծ Բրիտանիայի պահեստներից, հայտնում է 1in.am-ը:Մենք գիտենք, որ սննդամթերքի հանձնումը նրանց, ովքեր դրա կարիքն ունեն, փոխում է իրենց կյանքը և ամրապնդում տեղական համայնքները: Մենք ուրախ ենք տարածելու այս ծրագիրը մեր ծառայություններից օգտվող վաճառողների շրջանում՝ ասվում է ընկերության բլոգում:Ծրագրի լրացուցիչ նպատակը թափոնների կրճատումն է, քանի որ վաճառողներ
  • Նոր ճանապարհ՝ Հայաստանից Ռուսաստան. Վրաստանում նշել են նոր արագընթաց մայրուղու կառուցման ժամկետները
    Վրաստանի իշխանությունները մի քանի օրից կստորագրեն դեպի Ռուսաստանի հետ սահման տանող Քվեշեթի-Կոբի 23 կիլոմետրանոց շրջանցիկ ճանապարհի կառուցման մասին համաձայնագիրը, որի շինարարությունը պետք է սկսվի մինչև ընթացիկ տարվա վերջ: Այդ մասին երեքշաբթի լրագրողներին ասել է Վրաստանի վարչապետ Մամուկա Բախտաձեն՝ երկրի տարածաշրջանային զարգացման նախարարության ավտոճանապարհների դեպարտամենտի 6-ամսյա աշխատանքի արդյունքների ներկայացման ժամանակ, գրում է tass.ru-ն:«Մի քանի օրից փաստաթուղթը կստորագրվի, և մինչև տարեվերջ կսկսվի պատմական կարևորության նախագծի՝ Կոբի-
  • Երևանն ամռանը դարձել է ռուսաստանցիների նախընտրելի արտասահմանյան ուղղությունը
    Երևանը 2019թ. ամառվա ընթացքում եղել է Ռուսաստանցիների կողմից արտասահման այցելության նախընտրելի վայրը: Դեպի Երևան ուղղությունների դինամիկան ավելացել է մոտ քառորդ անգամ: Ինչպես հայտնում է RIA Novosti-ն, այս մասին հայտնում են Туту.ру ընկերության վիճակագիրները: Ընկերության մասնագետները հետազոտության են ենթարկել 2019թ. հունիսի 1-ից մինչև հոկտեմբերի 1-ն ընկած բոլոր ավիատոմսերը և դրանք համեմատել 2018թ. ավիատոմսերի հետ:«Այս ամառվա ամենապահանջված արտասահմանյան ուղղությունը դարձել է Երևանը, այն դեպքում, երբ այս ամառը Վրաստանում անցկացնել ցանկացողների քանակը
  • Ողջ աշխարհում տնտեսական հեռանկարները վատթարացել են
    ԱՄՆ-Չինաստան առեւտրային պատերազմի պատճառով այս ամառ ողջ աշխարհում տնտեսական հեռանկարները վատթարացել են՝ ցույց են տալիս գերմանական Տնտեսական հետազոտությունների ինստիտուտի (Ifo) տվյալները:Ifo-ն գրեթե 1200 փորձագետների շրջանում եւ ավելի քան 110 երկրներում եռամսյակային հարցում է անցկացրել: Նրանց պատասխանները ցույց են տվել, որ երրորդ եռամսյակում վատթարացել են ինչպես ընթացիկ պայմանները, այնպես էլ տնտեսական սպասելիքները, հաղորդում է Reuters-ը:«Փորձագետները համաշխարհային տնտեսության աճի առավել ցածր տեմպեր են ակնկալում: Հարցվածները նաեւ ակնկալում են ան
    Թեժ գիծ
    +374 (047) 959555
    Գործարարի անձնային դիմանկարը. Փիլիսոփայահոգեբանական վերլուծություն

    ՍՈՖՅԱ ՕՀԱՆՅԱՆ
    ՀՊՏՀ փիլիսոփայության և հայոց պատմության ամբիոն


    Սոցիալական կյանքի առևտրայնացումը դարձել է հետխորհրդային ժամանակակից հասարա-կության արդիականացման հիմնական գծերից մեկը: Այս համատեքստում ՀՀ-ում ձևավորվող գործարարությունը ոչ միայն սոցիալ-տնտեսական երևույթ է, այլև անձնային տեսակ, որը, լինելով ինքնատիպ  «փիլիսոփայության» կրող, օժտված է հոգեբանական որոշակի հատկանիշներով: Այդ հատկանիշների ուսումնասիրությունը հատուկ հետաքրքրություն է ներկայացնում ժամանակակից սոցիալ-հոգեբանական և տնտեսական գիտությունների համար, քանի որ դրանց հետ է կապված գործա- րարության հատուկ էթիկան` պատկերացումների ու նորմերի համակարգը, որը տնտեսական գործունեությանը պարտադրում է որոշ սահմանափակումներ, որոնք ուղղակիորեն չեն առնչվում տնտեսական նպատակահարմարությանը, արդյունավետությանը կամ շահույթին: 
    Հիմնաբառեր. գործարար, հոգեբանական դիմանկար, անձնային որակներ, ղեկավար, շարժառիթ

      ժամանակակից հասարակությունում շուկայական տնտեսական համակարգի առաջընթացն ու շարժունությունն ապահովող կենտրոնական կերպարներից է գործարարը: Հայաստանում, ինչպես նաև հետխորհրդային մյուս երկրներում ձևավորվել է սկզբունքորեն նոր սոցիալական կառուցվածք, որտեղ երևան են եկել խորհրդային հասարակությանն անծանոթ տնտեսավարող սուբյեկտներ, որոնք շուկայական տնտեսության օրենքների տիպական մարմնավորումն են: Ինչպես յուրաքանչյուր անհատ, այնպես էլ գործարարը ձգտում է նպաստավոր տպավորություն թողնել և շրջապատողների կողմից սեփական գործողությունների հավանությանն արժանանալ: Մեծ բիզնեսի, կյանքի բոլոր կողմերի քաղաքականացման ժամանակը ծնել է նաև նոր պահանջ` «ապրել բոլորի աչքի առաջ»: Սոցիալական աստիճանակարգության մեջ սեփական հարգը բարձրացնելու համար անհրաժեշտ է աշխատել սեփական կերպարի վրա, որի ձևավորման առաջին փուլը կապված է ինքնագնահատականի բարձրացման հետ, իսկ երկրորդ փուլը վարվելակարգի դաստիարակությունն է, բարեկիրթ, վայելուչ լինելու, լսարանի վստահությանն արժանանալու կարողությունը: Դրա հետ կապված` վերջին ժամանակներս մեր կյանք է ներխուժել «իմիջ» (անգլ. թարգմ.` կերպար, վարկանիշ, հեղինակություն) բառը. «Իմիջն անձի կամ կազմակերպության ընդհանրացված դիմանկարն է, որը ստեղծվում է հանրության խմբերի պատկերացման մեջ անձի կամ կազմակերպության հայտարարությունների ու գործերի հիման վրա և հասարակական կամ անհատական գիտակցության մեջ ձևավորում է անձի կամ կազմակերպության նկատմամբ հուզական վերաբերմունք»: Իմիջն ինքնաներկայացում է, մյուսների համար սեփական կերպարի կերտումը: Գործարարի առնչությամբ դա նրա բարոյաանձնային, մտավոր, մասնագիտական որակների գնահատականն է շրջապատող մարդկանց կողմից: Գործարարի հոգեբանական դիմանկարի ստեղծման առաջին փորձերից մեկը ձեռնարկել է գերմանացի տնտեսագետ, սոցիոլոգ Վերներ Զոմբարտը, ով համարում էր, որ գործարարը պետք է օժտված լինի նվաճողի, կազմակերպչի և առևտրականի որակներով.
     



     







    Լրացնելով այս բնութագիրը` շվեդ տնտեսագետ, ժամանակակից մրցակցային ռազմավարության  հետազոտող Բենգտ Կառլոֆը համարում է, որ ժամանակակից գործարարի հիմնական առանձնահատկություններն են.
    - նախընտրում է ինքնուրույն կայացնել որոշումներ,
    - նորի հանդեպ ընկալունակ է, միտված է արդյունքների ստացմանը,
    - բաց է կառուցողական քննադատության ու գովասանքի համար,
    - սիրում է արագ զարգացում և նորամուծություններ,
    - գործարարության միջավայրում, բիզնեսն ընդլայնելիս իրեն զգում է «ասես ձուկը ջրում», 
    - ծայրահեղ խստապահանջ է իր և իր գործընկերների ընդունակությունների հանդեպ:
    Արևմտյան հետազոտողների տվյալների համաձայն` խոշոր գործարարները սովորաբար նախընտրում են մեծամասշտաբ որոշումներ, հակված են գործելու մտածված ու արագ` կողմնորոշվելով ընկերության վերակազմակերպմանը, բիզնեսի ուղղվածության փոփոխությանը և այլն: Այդպիսի գործարարը ոչ  այնքան որոշակի մասնագիտություն ընտրած անհատ է, որքան անձնային տիպ, որի բնութագրերն են անկախության ու իշխանության ձգտումը, նոր հնարավորությունների որոնումը, նախաձեռնողա-կանությունը, նպատակաուղղվածությունը, մարդկանց կազմակերպելու և ռեսուրսները բաշխելու ընդունակությունը, վտանգի թույլ զգացումը, վարչարարական գործողությունների հանդեպ անհանդուրժողականությունը, իր վրա պատասխանատվություն վերցնելու վախի բացակայությունը:
    Մանր ու խոշոր բիզնեսի արևմտյան ներկայացուցիչների հոգեբանական դիմանկարների համեմատությունը ցույց է տալիս, որ վերջիններս օժտված են ավելի բարձր ինտելեկտով, ավելի համառ են, քիչ են հակված հետևելու խմբային հասարակական նորմերին, օժտված են ավելի հարուստ երևակայությամբ, մտածողության ճկունությամբ ու ինքնուրույնությամբ: Խոշոր բիզնեսի ներկայացուցիչների մեջ առանձնանում է «ներամփոփ, ստեղծագործող ղեկավարի» անձնային տեսակը: Այս մարդիկ հուզականորեն կայուն են, ձգտում են իշխել շրջապատողների վրա, չեն ընդունում հեղինակություններ, ակտիվ են ու համարձակ, օժտված են զարգացած վերացական մտածողությամբ, կազմակերպչական ընդունակություններով: Ղեկավարի կազմակերպական ներուժը, որպես անձնային որակ, դրսևորվում է ինքն իր ու մյուս մարդկանց հետ նրա հարաբերությունների համակարգում:
    Գոյություն ունի ենթակաների հետ ղեկավարի համագործակցության երկու մեթոդ: Այսպես կոչված «բացասական ամրապնդման» էությունը ենթակաների գործունեության բացասական կողմերի որոնումն է: Այս մեթոդը վաղուց են օգտագործում իշխանությամբ օժտված մարդիկ: Դա իսկապես փոխում է մարդկանց վարքը, բայց հանգեցնում է աշխատանքից խուսափելուն և երկու կողմի ոգեշնչման նվազմանը: Բոլոր նրանք, ում երբևէ ղեկավարել են, ընդունում են, որ ենթակաների աշխատանքն ամենավատը վարձատրում է այն ղեկավարը, ով ընդհանրապես չունի նրանց հետ հետադարձ կապ: Աշխատողը զգում է իր աշխատանքի վերաբերյալ արձագանքի պակաս և ժամանակի ընթացքում կորցնում է հետաքրքրությունը դրա հանդեպ: Հակառակ մոտեցման դեպքում, որը հոգեբաններն անվանում են «դրական ամրապնդում», որոնվում են մարդու աշխատանքի օգտակար կողմերը, և խրախուսվում է հենց այդպիսի վարքը: Այս դեպքում ղեկավարը հատուկ ջանքեր է գործադրում աշխատանքի մեջ մարդու ներդրման դրական կողմերի բացահայտման ու վարձատրման համար: 
    Գործարարն առաջին հերթին պետք է առաջնորդ (լիդեր) լինի, քանի որ պետք է իր շուրջը համախմբի մարդկանց և ոգեշնչի նրանց բարձր նպատակի հասնելու համար. «Առաջնորդին կարելի է բնորոշել որպես տվյալ սոցիալական հանրույթում առավել հեղինակավոր անձ, որը կենտրոնական դեր է խաղում համատեղ գործունեության կազմակերպման և խմբում փոխհարաբերությունների կարգավորման մեջ»: Նա հաջողության կհասնի բիզնեսում, միայն եթե կկարողանա համոզել իր աշխատակիցներին` հասնելու առաջադրանքների կատարման այնպիսի մակարդակի, որը նախկինում նրանց անհասանելի էր թվում: Առաջնորդի այդ ընդունակությունը սերտորեն կապված է այնպիսի որակների հետ, ինչպիսին են լավատեսական պլաններ ստեղծելու, հաջողության հույսերն ամրապնդելու, նորարարությունների էությունը բացատրելու, ճգնաժամային իրավիճակներում կոլեկտիվին համախմբելու ունակությունները: Իտալացի փիլիսոփա, հոգեբան Անտոնիո Մենեգետիի կարծիքով` առաջնորդն այն մարդն է, ով, բավարարելով սեփական եսասիրությունը, բավարարում է հասարակական շահը: Զարգացնելով սեփական գործունեությունը` նա բաշխում է նյութական բարիքներն ու աշխատանքով է ապահովում հարյուրավոր մարդկանց: Ընդ որում, առաջնորդը զուգահեռաբար խթանում է հասարակական առաջընթացը և  աշխուժություն է մտցնում տնտեսության մեջ: Հասարակության շահերը բավարարելու համար գործարարին անհրաժեշտ է.
    - ուսումնասիրել մարդկանց որոշակի խմբի շահերը,
    - առաջարկել գոյություն ունեցող շահերի բավարարման կամ առկա խնդիրների լուծման ինչ-որ միջոցներ,
    - գործարար ակտիվության շնորհիվ ստանալ սեփական օգուտը` լուծելով սոցիալական խնդիրը: 

























    Ըստ Մենեգետիի պատկերացումների` առաջնորդն օժտված է 3 խումբ որակներով, որոնց մեջ պայմանականորեն կարելի է առանձնացնել մտավոր ընդունակությունները, խառնվածքի գծերը և ձեռքբերովի կարողությունները.
    Անձնային որակների այս ոչ լրիվ ցանկը ստիպում է դրանց մեջ փնտրել առավել կարևորները, առանց որոնց գործարար գործունեության հաջողությունն էապես կդժվարանա: Գործարարների գործունեության վերլուծությունը ցույց է տալիս, որ բազմազան անձնային որակների մեջ կարելի է առանձնացնել հետևյալ առավել կարևորները.
    − Ինքնուրույնություն, որն ընդհանուր իմաստով կարելի է սահմանել որպես մարդու ձգտում` անձամբ որոշելու իր կյանքի ուղին, ընտրելու գործնական նպատակները և դրանց հասնելու միջոցները: Անձի այդպիսի գծի առկայությունը հաջողության կարևորագույն պայմաններից մեկն է: Գործարար են դառնում առաջին հերթին այն մարդիկ, որոնց չի գոհացնում վարձու աշխատողի իրենց դերը, ում պակասում է ինքնուրույնությունն իրենց աշխատանքում: Ա. Մասլոուի հայեցակարգը հիշելու դեպքում կարելի է ասել, որ գործարարներն ինքնիրացման հատուկ արտահայտված պահանջմունքով մարդիկ են:
    − Հավակնոտություն, որն ի սկզբանե օգնում է գործարարին` հաղթահարելու ցանկացած արգելք հաջողության ճանապարհին: Հետաքրքիր է նշել, որ մարդկանց վերաբերմունքը տվյալ անձնային որակի հանդեպ մեծապես տարբերվում է տարբեր մշակույթներում: ԱՄՆ-ում դա գնահատվում է որպես առավելություն, իսկ Ռուսաստանում` ավելի հաճախ որպես թերություն, ծայրահեղ դեպքում նման մարդկանց մասին հաճախ քննադատաբար են խոսում: Այնուամենայնիվ, հավակնոտությունը, այսինքն` բարձր ինքնագնահատականը և հաջողության նկատմամբ հավատը մարդուն հաղորդում է լրացուցիչ ուժեր և օգնում է հաղթահարել դժվարությունները:
    − Համառություն, որը գործարարության համատեքստում նշանակում է հաջողության հասնելու համար հնարավոր ամեն ինչ անելու ցանկություն և հանուն հաջողության որոշակի զոհաբերություններ կատարելու պատրաստակամություն: Բիզնեսի համատեքստում համառությունը` համակցված նպատակամղվածությանը, դրսևորվում է նրանում, որ մարդն ապրում է իր բիզնեսով, մտածում դրա մասին:
    − Աշխատասիրություն, որը, որպես անձնային որակ, լիովին բնութագրում է բիզնեսի աշխարհում հաջողակ շատ մարդկանց: Նրանք աշխատում են ոչ միայն այն պատճառով, որ ցանկանում են շատ փող վաստակել, այլ որովհետև նրանց դուր է գալիս աշխատանքի գործընթացը:
    − Դիմացկունություն: Կյանքի դժվարությունների հանդեպ դիմացկունությունը և ճակատագրի հարվածներին դիմակայելու կարողությունը կազմված է երկու բաղադրիչից` անբարենպաստ հանգամանքների դեպքում չոգեզրկվելու ընդունակությունից և անհաջողություններից դրական փորձ քաղելու կարողությունից:
    Ըստ վիճակագրության` տասը գործարարից միայն մեկն է կարողանում հաջողության հասնել բիզնեսում, մյուսները ձախողվում են: Թերևս դրա պատճառներից են նաև գործարարի հետևյալ գլխավոր հատկությունները` կազմակերպվածություն, հաղորդակցման ունակություն, գործնականություն ու հաշվենկատություն, ներըմբռնում կամ իրավիճակի կանխատեսում, դիտողականություն, ինքնավերլուծություն, ճկունություն և բազմակողմանիություն, խելամիտ ռիսկ ու համարձակություն, ստեղծագործականություն, նպատակաուղղվածություն, առողջ արկածախնդրություն, դիտողունակ ու հետաքրքրասեր միտք, իր և մյուս մարդկանց համար պատասխանատվություն կրելու հատկություն, պրագմատիզմ, վերլուծական միտք, առողջ կասկածամտություն, արագ որոշումներ կայացնելու ընդունակություն, գերազանցության ձգտում, մրցակցության ոգի, նորարարություն:
    Այսպիսով` ժամանակակից գործարարի անհատական-հոգեբանական հիմնական բնութագրերը թույլ են տալիս առանձնացնել հետազոտական մի քանի բլոկներ` ինտելեկտուալ, հաղորդակցային և շարժառիթային-կամային: Ինտելեկտուալ բլոկը ներառում է այնպիսի բնութագրեր, ինչպիսիք են իրազեկությունը (կոմպետենտություն), լայնախոհությունը, զարգացած ներըմբռնումը, վառ երևակայությունը, ստեղծագործականությունը, հեռանկարային մտածողությունը, երկարաժամկետ կանխատեսումը և ճկունությունը:
    Հաղորդակցային բլոկի հիմքը կազմում են հաղորդակցման ընդունակությունը, սոցիոբելությունը, ուրիշների ջանքերն ուղղորդելու տաղանդը, անձնական հմայքը, կոլեկտիվ ստեղծելու և դրանում ներդաշնակ մթնոլորտ ապահովելու ունակությունը, մյուս մարդկանց հետ շփման պատրաստակամությունը:
    Շարժառիթային-կամային բլոկի հոգեբանական բնութագրերից կարելի է առանձնացնել ռիսկի հակվածությունը, պայքարելու և հաղթանակելու ձգտումը, ինքնադրսևորման և հանրային ճանաչման պահանջմունքը, անհաջողությունից փախչելու շարժառիթի համեմատությամբ հաջողության հասնելու շարժառիթի գերակշռումը, իրեն և ուրիշներին շահադրդելու պատրաստակամությունը: Այս համատեքստում հատկանշական է, որ ավստրո-ամերիկյան տնտեսագետ, սոցիոլոգ Յ. Շումպետերն առանձնացնում էր գործարարական երեք շարժառիթ. առաջինը տիրապետման, իշխանության, ազդեցության պահանջմունքն է, երկրորդը` հաղթանակի ծարավը, հաջողության ձգտումը մրցակցի և ինքն իր հետ պայքարում, երրորդը` գործերի ինքնուրույն վարման արդյունքում ստեղծագործական ուրախությունը: Վերը ներկայացվածից բացի, արդյունավետ ղեկավարմանը վերաբերող ևս մի կարևոր հատկանիշ է այն, որ հաջողակ ղեկավարը միշտ պետք է կարողանա հավասարակշռություն ստեղծել երկու ծայրահեղությունների միջև:
    Առավել հաջողակ գործարարների անձնային առանձնահատկությունների վերլուծությունը ցույց է տալիս, որ նրանց մեծամասնությունն օժտված է չորս զույգ որակներով, որոնք առաջին հայացքից թվում են փոխբացառող.
    - Հավակնոտություն − համեստություն: Հավակնոտությունը գործարարի կարևորագույն որակներից է, որը հաջողակ ղեկավարին հաղորդում է այն էներգիան, առանց որի անհնար է հաղթանակը ժամանակակից բիզնեսում: Միաժամանակ, առաջնորդի համեստությունը դրսևորվում է այն բանում, որ նա իրեն չի վերագրում կազմակերպության բոլոր նվաճումները, հակառակ դեպքում ենթականերին կթվա, թե պետը պարզապես օգտագործում է իրենց: Պետք է նշել, որ ոչինչ այնքան չի ոգեշնչում աշխատողներին, որքան իրենց նվաճումների գնահատումը ղեկավարության կողմից:
    - Ռազմավարական մտածողություն − ուշադրություն մանրուքների հանդեպ: Արդյունավետ ռազմավարական գաղափարն այն է, ինչը տարբերում է հաջողակ ընկերությունը միջակից, ականավոր առաջնորդին` ուրիշի գաղափարները նմանակողից: Հայտնի շատ գործարարների գլխավոր ռազմավարական գաղափարն այն է, որ նրանք առաջնային են համարում ոչ թե իրենց ցանկությունները, այլ այն մարդկանց կարիքները, որոնք վճարում են իրենց ցանկությունների իրականացման համար: Այսպես` միմյանց հետ շփվելու մարդկանց ցանկությունը հանգեցրեց բջջային կապի ընկերությունների հարստացմանը, առողջության ձգտումը նպաստեց դեղագործական ընկերությունների կապիտալի աճին, իսկ զվարճալիքների ծարավը ծնունդ տվեց շոու-բիզնեսի արդյունաբերությանը: Միաժամանակ` ձգտելով լայնածավալ մտածել, ղեկավարը պետք է հասկանա, որ երբեմն ցավալի մանր զանցանքը կարող է կործանել ամենաահռելի ձեռնարկությունը: Այդ պատճառով իմաստուն ղեկավարը մտածում է նաև մանրուքների մասին:
    - Խանդավառություն − ներքին հանդարտություն: Խանդավառությունը հուզական վարակ է, որը ստիպում է կատարել աշխատանքային սխրանքներ: Մեծ նախագծերը չեն կատարվում միայն սառը հաշվարկի հիման վրա: Ապագայի հավատը, հաջողության հանդեպ վստահությունը, իր կազմակերպության համար հպարտությունը, համատեղ աշխատանքի ուրախությունն այն գործոններն են, որ նշանակալիորեն մեծացնում են կազմակերպության ռեսուրսները, ընդ որում, դրանք բխում են ղեկավարից: Սակայն միայն զգացմունքներն ու հույզերը հեռու չեն տանի: Երբ ներշնչանքի և հուզական պոռթկման ժամանակն ավարտվում է, վրա է հասնում տրամաբանության և սեփական ուղու ճշմարտացիության հանգիստ վստահության ժամանակը:
    - Ռիսկի դիմելու կարողություն − սխալներից օգուտ քաղելու ընդունակություն: Գործարարության վարումն անհնար է առանց ռիսկի, այդ պատճառով ռիսկային արարքների հակվածությունը գործարարի առանձնահատկությունն է: Սակայն պետք է հիշել, որ ռիսկը լինում է արդարացված ու չարդարացված: Առաջին դեպքում մարդը պատրաստ է կատարել ինչ-որ գործողություններ անորոշության պայմաններում, եթե տեսնում է, որ հաջողության հավանականությունը բավական մեծ է: Իսկ եթե մարդը չի գնահատում անբարենպաստ իրադարձության հավանականությունը կամ գործը սկսում է հաջողության ծայրահեղ ցածր հնարավորությամբ, ռիսկն արդարացված չէ:
    Հետևաբար` գործարարը պետք է մի կողմից` կարողանա գնալ որոշակի ռիսկի, բայց, մյուս կողմից` նա պետք է լինի բավական իմաստուն ու զգույշ, որպեսզի ապարդյուն ռիսկի չդիմի: Անհաջողությունից ոչ ոք ապահովագրված չէ, ուստի գործարարի համար չափազանց կարևոր է իր յուրաքանչյուր բացթողումը հանգիստ վերլուծելու և դրանից օգուտ քաղելու կարողությունը, որպեսզի չկրկնի իր սխալները: Հետաքրքրական է, որ տվյալ որակներից ցանկացածն իր զարգացման ընթացքում վերածվում է թերության և միայն իր հակադրության հետ հավասարակշռության մեջ է ձեռք բերում ներդաշնակություն ու հանգեցնում հաջողության: Հետևաբար` որքան կարևոր է բիզնեսում հաջողությանը նպաստող անձնային հատկությունների ուսումնասիրությունը, նույնքան մեծ նշանակություն ունի հաջողությանը խոչընդոտող անձնային որակների վերլուծությունը:
    Գործարարին հակացուցվող որակներն են հուզական անհավասարակշռությունը, ծուլությունը, պասիվությունը, ներշնչելիությունը, չափազանց կատարողականությունն ու ճշտապահությունը: Թվարկվածներից վերջին երկու հատկություններն, ընդհանուր առմամբ, դրական են, սակայն այն, ինչ լավ է վարձու աշխատողի պարագայում, բացասական է գործարարի համար, ով ինքը պետք է իրեն առաջադրանքներ տա, այլ ոչ թե սպասի, որ ինչ-որ մեկն իրեն ասի, թե ինչ է պետք անել: Ճշգրտությունը լավ է հաշվապահի համար, բայց արագ փոփոխվող շուկայական տնտեսության պայմաններում ճկունությունը կայունությունից կարևոր է: Գործարարի գործունեությունը դժվարացնող ևս մի անձնային որակ է չափազանց զգուշավորությունը: Դրա առկայությամբ բիզնեսմենը շատ երկար կտատանվի որոշումներ ընդունելիս և շատ դանդաղ կգործի, երբեմն էլ կհայտնվի պասիվության մեջ: Գործարարությունը միշտ ռիսկ է և գործողություններ` անորոշության պայմաններում: Այդ հանգամանքներում ավելի լավ է գործել ու սխալվել` օգուտ քաղելով սխալներից, քան վախենալ ձախողումից և ոչինչ չձեռնարկել: Մինչ բիզնեսմենը տատանվում է և մտորում, ժամանակը գործում է նրա դեմ. մրցակիցներն արտադրում են ապրանքներ ու գրավում շուկաներ, հարկային ծառայությունն ավելացնում է հարկերն ու տույժերը, իսկ շինությունների տերերը` վարձակալության վճարը:
    Ամերիկացի գիտնական, հոգեբան, կազմակերպությունների կառավարման խորհրդատու Ջոզեֆ Սթիվենսն առանձնացնում է մի շարք անձնային որակներ, որոնք խանգարում են մարդուն` ներդաշնակ ու հաջողակ ապրելու և գործելու: Նա դրանք անվանում է «դևեր» («վիշապներ») և ցույց տալիս, որ անձնային առանձնահատկությունները կարող են լինել մարդու համար և՛ օգտակար, և՛ վնասակար: Այս հեղինակն այդ գծերի թվին է դասում, մասնավորապես` մեծամտությունը, որի հիմքում կարող է թաքնվել սեփական անօգնականության վախը, բացասական գնահատականի վախը կամ սեփական նշանակալիության մասին ուռճացված պատկերացումը: Մյուս բացասական գիծն անհամբերությունն է, որը դրսևորվում է ժամանակը կորցնելու վախի մեջ: Նման վախով համակված մարդիկ անընդհատ սթրեսային վիճակում են գտնվում, փորձում են շատ բան անել կարճ ժամանակահատվածում և ապրում են ապագայի մասին երազանքներով` չկարողանալով ապրել ներկայում: Այսպիսի մարդկանց վարքի արտաքին դրսևորումներից են նյարդայնությունը, կոպտությունը, դյուրաբորբոքությունը և շտապողականությունը որոշումներ ընդունելիս: Վարքի ներքին դրսևորումները կլինեն անհանգստությունը, խուճապի և կամակորության հակումները: Մարդուն խժռող ևս մի «դև» է ագահությունը: Արտաքնապես դա դրսևորվում է եսասիրության, ժլատության, չարչիության հակումներում և ուրիշի հարստության հանդեպ նախանձի մեջ, իսկ ներքին մակարդակում` զրկվածության զգացման և ընչաքաղցության ձևով: Ջ. Սթիվենսը ենթադրում է, որ այդ գծերից լիովին ձերբազատվելն անհնար է, բայց դրանք կարելի է «ընտելացնել» և գործածել սեփական օգուտի համար և ի շահ մարդկանց: Անգլիացի հոգեբաններ Մայքլ Վուդկոկը և Դեյվիդ Ֆրենսիսը բացահայտել են յոթ գլխավոր գործոններ, որոնք սահմանափակում կամ ոչնչացնում են գործարարի ստեղծագործական և նորարարական ընդունակությունները.
    ա. Ծուլություն: Ստեղծագործությունը պահանջում է ժամանակ ու ջանքեր: Ժամանակը ստեղծագործական ջանքերին նվիրելու համար պետք է կարգապահություն, իսկ երբեմն էլ պահանջվում է հաղթահարել ձանձրույթը:
    բ. Կայացած սովորություններ: Բոլոր մարդիկ ունեն շարժումների, աշխատանքի, շարժուձևի ու մտածողության կարծրատիպեր, բայց սովորությունները կարող են դառնալ ստեղծագործության թշնամիները:
    գ. Ավելորդ լարվածություն: Ստեղծագործելիս մենք հաճախ ենք բախվում անվստահությանն ու շփոթմունքին: Լարված վիճակում գտնվող մարդիկ ջանում են հետևել իրենց լավ հայտնի կանոններին ու նորմերին, և դրա հետևանքով նրանց ուժերն ու էներգիան օգտագործվում են ոչ լիովին:
    դ. Թույլ նպատակամղվածություն: Ասում են, որ ոչ մի նշանակալի նվաճում չէր կատարվի, եթե չլիներ փոփոխությունների գիտակցված ձգտումը:
    ե. Անբավարար հնարավորություններ: Պատմական շատ բացահայտումների հեղինակներն այնպիսի մարդիկ են, որոնք չեն կարողացել իրենց կյանքը նորմալ ապրել հիվանդության, բանտարկված լինելու, հեղինակությունը ժամանակավորապես կորցնելու պատճառով: Մարդկանց մեծամասնության համար նորմալ ապրել նշանակում է իրենց կյանքը լցնել առօրյա գործերով, որոնք կլանում են ժամանակի և ուժերի մեծ մասը. նրանց կյանքում հազվադեպ են նորամուծությունների հնարավորությունները:
    զ. Ավելորդ լրջություն: Ստեղծագործաբար ինքնիրացվելու համար հաճախ անհրաժեշտ է «խաղալ» գաղափարների հետ. երբեմն որոնելի լուծումը գտնվում է ամենաարտառոց ու անհավանական առաջարկությունների մեջ: Խաղային դիրքորոշման պակասը դժվարացնում է նաև շփումը շրջապատողների հետ: է. Վատ մեթոդաբանություն: Խնդիրների լուծման համապատասխան կամ արդյունավետ մեթոդի պակասը թուլացնում է ստեղծագործական ջանքերը: Ստեղծագործական գործընթացը կարելի է ուսումնասիրել ու վերլուծել անհրաժեշտ հմտություններ ձեռք բերելու և համապատասխան մեթոդներ զարգացնելու համար: Բնականաբար, զուտ անձնային որակներից բացի, գործարարը պետք է օժտված լինի իր աշխատանքի ոլորտում հատուկ գիտելիքների, կարողությունների և հմտությունների համակազմով: Հասկանալի է, որ ֆինանսական գործարքների բարեհաջող կատարման համար գործարարին անհրաժեշտ են ֆինանսավարկային ոլորտի ու հաշվապահական հաշվառման նվազագույն գիտելիքներ: Եվ, այնուամենայնիվ, երբեմն դրանք որոշիչ չեն: Հաճախ է պատահում, որ գործարարը հատուկ գիտելիքներ ու կարողություններ է ձեռք բերում իր բիզնեսի զարգացման ընթացքում, իսկ սկզբնական փուլերում գործում է կամ բնազդաբար, կամ հրավիրյալ մասնագետների օգնությամբ: Այստեղ գլխավորը սովորելու և որակավորումը բարձրացնելու ցանկությունն է սեփական բիզնեսի կատարելագործման նպատակով, իսկ այդպիսի ցանկությունը վերաբերում է արդեն անձնային որակներին: Այսպիսով` ժամանակակից գործարարը, ամենից առաջ, իրազեկ, տաղանդավոր, ակտիվորեն գործող ու որոնող, արագ մտածող, շփվող, կամային, ռիսկի հակված և հաղթանակի միտված ստեղծագործ մարդ է: