1) իրականացնում է Հանձնաժողովի կողմից հաշվառման վերցված և  հաշվառման ենթակա սուբյեկտների և  սպառողների հաշվառումը.

2) իրականացնում է օրենսդրությամբ սահմանված ստուգումներ և  ուսումնասիրություններ` համաձայն Հանձնաժողովի նախագահի կողմից հաստատված ցանկի կամ համապատասխան կարգադրության.

3) իրականացնում է ստուգումների, ուսումնասիրությունների, դիտանցումների, այցելությունների հաշվառումը` ըստ տեսակների և ոլորտների.

4) ապահովում է օրենսդրության խախտման փաստերի քննարկման կապակցությամբ Հանձնաժողովի կողմից ընդունված որոշման հիման վրա տնտեսավարող սուբյեկտների գործունեության թեմատիկ ստուգումների  իրականացումը.

5) իր  լիազորությունների  սահմաններում  մասնակցում  է  վարչական  վարույթի  հարուցման և իրականացման աշխատանքների  կատարմանը.

6) ապահովում է ուսումնասիրությունների, այդ թվում նաև ստուգումներից հետո տրված հանձնարարականների կատարման հետ կապված վերահսկողության իրականացումը.

7) իր լիազորությունների սահմաններում ապահովում է Հանձնաժողովի որոշման կատարման (պահպանման) նկատմամբ վերահսկողության իրականացումը.

8) ստուգումների և ուսումնասիրությունների միջոցով բացահայտում և գնահատում է տնտեսական մրցակցության պաշտպանության օրենսդրության խախտման դեպքերն ու ներկայացնում դրանց վերաբերյալ առաջարկություններ.

9) ապահովում է ստուգման անցկացման, ինչպես նաև դրա արդյունքների  ամփոփման համար անհրաժեշտ հրամանների նախագծերի, ակտերի, տեղեկանքների, հանձնարարականների և  այլ փաստաթղթերի նախապատրաստման ու ներկայացման աշխատանքների կատարումը.

10) համապատասխան ստորաբաժանումների կողմից պահանջում է եռամսյակային գործունեության ծրագրերը, ամփոփում և ներկայացնում է հաստատման, ինչպես նաև իրականացնում է վերահսկողություն դրանց կատարման նկատմամբ.

11) կազմում և Հանձնաժողովի նախագահի հաստատմանն է ներկայացնում ստուգումների, ուսումնասիրությունների, մոնիթորինգների, դիտանցումների գրաֆիկը.

12) ամփոփում է կատարված աշխատանքների արդյունքները և առաջարկություն ներկայացնում թերությունների վերացման, պատասխանատվության միջոցների կիրառման վերաբերյալ.

13) համապատասխան բաժիններից և կարգավորվող սուբյեկտներից ստացված տեղեկատվության հիման վրա իրականացնում է հանրային ծառայությունների կարգավորման պարտադիր վճարների, պետական տուրքերի հաշվարկման և մուտքագրված վճարների հաշվառման գործառույթներ.

14) ապահովում է մոնիթորինգների իրականացումը, հաշվետվությունների ընդունումը, վերլուծումը և ամփոփումը.

15) համակարգում է համագործակցության աշխատանքները.

16) իր իրավասությունների շրջանակում ապահովում է մուտքերը՝ պետական բյուջե.

17) ապահովում է լիցենզիաների հանձնման գործընթացը.

18) մասնակցում է նախագծերի և կարգավորվող ոլորտների տնտեսական և ֆինանսական ծրագրերի մշակմանը.

19) ամփոփում է լիցենզիաների, վճարների, տուրքերի, հանձնարարագրերի վերաբերյալ աշխատանքները և ստեղծում տվյալների տեղեկատվական բազա.

20) վարում է խիստ և հատուկ հաշվառման փաստաթղթերի հաշվառում.

21) ապահովում է էներգետիկայի բնագավառում լիցենզավորված անձանց միջև կնքված պայմանգրերի գրանցումը.

22)  Արցախի Հանրապետության շրջաններում գործող աշխատակիցների միջոցով ապահովում է «Հանրային ծառայությունները և տնտեսական մրցակցությունը կարգավորող մարմնի մասին» Լեռնային Ղարաբաղի Հանրապետության օրենքով, ճյուղային օրենքներով և այլ իրավական ակտերով Հանձնաժողովին վերապահված գործառույթների՝ ուսումնասիրությունների, դիտանցումների, ստուգումների, մոնիթորինգների, այդ թվում՝ ռադիոեթերների հասանելիության մոնիթորինգների, լիցենզավորված անձանց կողմից լիցենզիաների պայմանների պահպանման նկատմամբ հսկողության և կարգավորման գործառույթներին առնչվող այլ աշխատանքների իրականացումը Արցախի Հանրապետության շրջաններում.

23) իրականացնում է օրենսդրությամբ սահմանված այլ լիազորություններ: