ԱՐԴԻԱԿԱՆ ԹԵՄԱՆԵՐ
  • Հայաստանը տնտեսական ազատության միջազգային ինդեքսում բարելավում է դիրքերը
    Հայաստանը The Heritage Foundation-ի տնտեսական ազատության 2021 թվականի համաթվում երկու հորիզոնականով բարելավել է դիրքերը։ Ինչպես փոխանցում է  «Արմենպրես»-ը, առավելագույն 100 միավորից անցնող տարում Հայաստանը 71,9 միավոր է հավաքել՝ դասվելով «հիմնականում ազատ» տնտեսություն ունեցող երկրների շարքում։ Հայաստանը 178 երկրների մեջ 32-րդ հորիզոնականում է՝ նախորդ տարվա ինդեքսում երկիրը զբաղեցնում էր 34-րդ տեղը։ 2018 և 2019 թվականներին Հայաստանը համապատասխանաբար 44-րդ և 47-րդ հորիզոնականներում էր։2021 թվականի զեկույցը հրապարակվում է Covid-19 համավարակի տարածման պայմ
  • Մշակվել են ներմուծման դիվերսիֆիկացիայի ուղեցույցներ 5 ապրանքախմբերի համար
    ՀՀ Էկոնոմիկայի նախարարության և Գործարարության աջակցման գրասենյակի համագործակցությամբ մշակվել են ներմուծման դիվերսիֆիկացիայի ուղեցույցներ  հինգ ապրանքախմբի համար՝ պլաստիկ ապրանքներ, հագուստ և տեքստիլ, կենցաղային տեխնիկա, ցիտրուսային մրգեր, լվացող միջոցներ։ «Արմենպրես»-ին այս մասին հայտնեցին ՀՀ էկոնոմիկայի նախարարության տեղեկատվության և հասարակայնության հետ կապերի վարչությունից: Ուղեցույցներում ներառված է անհրաժեշտ տեղեկատվություն ներմուծման գործընթացի կազմակերպման համար, մասնավորապես՝ ապրանքախմբերի մատակարարների կոնտակտ
  • ԵՄ-Հայաստան Համապարփակ և ընդլայնված գործընկերության համաձայնագիրը մտնում է ուժի մեջ
    Եվրոպական միության և Հայաստանի միջև Համապարփակ և ընդլայնված գործընկերության համաձայնագիրը (ՀԸԳՀ) 2021 թվականի մարտի 1-ից կմտնի ուժի մեջ։ Համաձայնագիրը վավերացվել է Հայաստանի Հանրապետության, ԵՄ բոլոր անդամ-պետությունների և Եվրոպական խորհրդարանի կողմից։Ինչպես տեղեկացնում են Հայաստանում Եվրոպական Միության պատվիրակությունից, համաձայնագիրը սահմանում է կարևոր նշաձող ԵՄ-Հայաստան հարաբերություններում։ Ըստ աղբյուրի՝ համաձայնագրի դրույթներով ամրագրվում Է Եվրոպական միության և Հայաստանի միջև փոխգործակցության ոլորտների լայն շրջանակը, այդ թվու
  • Ֆիլիպ Մորրիսը հոգ է տանում շրջակա միջավայրի մասին
    Հիմա մարդիկ ապավինում են բիզնեսին ՝ ավելի լավ ապագա կերտելու համար: Քանի որ կան բազմաթիվ սոցիալական, տնտեսական և բնապահպանական խնդիրներ, Ֆիլիպ Մորրիսն աշխատում է դրանց լուծման ուղղությամբ: Փոփոխությունը կարևոր է յուրաքանչյուր մակարդակում, այդ իսկ պատճառով PMI- ը ձգտում է փոխակերպել իր արտադրության յուրաքանչյուր ասպեկտ, որպեսզի այն հնարավորինս էկոլոգիապես մաքուր լինի: PMI- ի կողմից պլաստիկի արտադրության կրճատումը, թափոնների վերամշակումը և կլիմայի փոփոխությանը արձագանքելը բոլորն էկոլոգիապես գիտակցված ընկերության օրինակներ են: «Բիզնեսը պիտ
  • Աշխարհին նախազգուշացրել են սննդամթերքի դեֆիցիտի մասին
    Աղքատ երկրներում ապրող մարդիկ ենթարկված են բախվելու սննդամթերքի դեֆիցիտի՝ կորոնավիրուսի համավարակի հետ կապված ճգնաժամի պատճառով: Այս մասին նախազգուշացնում է ՄԱԿ-ը, գրում է Lenta-ն` հղում անելով The Guardian-ին: Գրեթե ամբողջ աշխարհում սնունդը թանկացել է, իսկ որոշ երկրներում այն անհասանելի է դարձել մարդկանց համար: Այս տարի իրավիճակն ավելի բարդ է թվում, քան անցյալ տարի էր, նշել է ՄԱԿ-ի 2021 պարենային համակարգերի գագաթաժողովի հատուկ ներկայացուցիչ Ագնես Կալիբատան: Նա հավելել է, որ շատերը սպառել են սնունդը եւ խնայողությունները: Կալիբատի կանխատեսումների հա
  • Ուժի մեջ են մտել ԵԱՏՄ «Կաթի և կաթնամթերքի անվտանգության մասին» տեխնիկական կանոնակարգի փոփոխությունները․ վերականգնված կաթը ներառված է կաթնամթերքի տեսականու մեջ
    Փետրվարի 13-ից ուժի մեջ են մտել ԵԱՏՄ «Կաթի և կաթնամթերքի անվտանգության մասին» տեխնիկական կանոնակարգի փոփոխությունները, որոնք սահմանում են վերականգնված կաթի նկատմամբ պահանջները: Դա վերականգնված կաթի արտադրողներին թույլ կտա այն նույնականացնել, փաթեթավորել և վաճառել որպես վերականգված կաթ, տեղեկացնում է Սննդամթերքի անվտանգության տեսչական մարմինը: Կաթի փոշին, որը ստացվում է սովորական կաթի կաթիլները բարձր ջերմաստիճանում ցողելով և չորացնելով, շատ ավելի հեշտ է պահել և տեղափոխել, քան սովորական հեղուկը կամ սառեցված կտորները: Կաթի փոշին պահ
  • Ռազմական գործողություններից հետո մեծ ծավալի քաղաքաշինական ծրագրեր են իրականացվում. Արցախի նախագահ
    ԱՀ նախագահ Արայիկ Հարությունյանը փետրվարի 16-ին ընդունել է ՀՀ կադաստրի պետական կոմիտեի նախագահ Սուրեն Թովմասյանին և կոմիտեի նախագահի տեղակալ Արամ Պետրոսյանին։ Քննարկվել են հայկական երկու հանրապետությունների համապատասխան կառույցների համագործակցությանը վերաբերող հարցեր: Նախագահն ընդգծել է, որ ռազմական գործողություններից հետո մեծ ծավալի քաղաքաշինական ծրագրեր են իրականացվում, և այս իմաստով կարևոր է ՀՀ Կառավարության հետ համագործակցված ու ներդաշնակ աշխատանքը։ Հանդիպմանը մասնակցել է ԱՀ կադաստրի և պետական գույքի կառավարման կոմիտեի նախագա
    Թեժ գիծ
    +374 (047) 959555
    Պատմությունը


    2007թ. հուլիսի 12-ին Լեռնային Ղարաբաղի Հանրապետության նախագահի հրամանագրով նշանակվել է Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի առաջին կազմը` հանրային ծառայությունների և տնտեսական մրցակցության պաշտպանության ոլորտում կարգավորում իրականացնելու նպատակով, որը հանդիսանում է պետական քաղաքականության բաղկացուցիչ մաս: 2007թ. հուլիսի 12-ին Լեռնային Ղարաբաղի Հանրապետության նախագահի հրամանագրով հանրային ծառայությունները և տնտեսական մրցակցությունը կարգավորող պետական հանձնաժողովի նախագահ է նշանակվել Վաչե Սուրենի Ադամյանը: Լեռնային Ղարաբաղի Հանրապետության նախագահի կողմից Հանձնաժողովի առաջին կազմում նշանակվել են.

    Հանձնաժողովի նախագահի տեղակալ`   Գարիկ Զոհրապի Ավանեսյանը, 

    Հանձնաժողովի անդամ`                             Հայկ Ցոլակի Թորոսյանը, 

    Հանձնաժողովի անդամ`                             Անդրեյ Վլադիմիրի Մուսայելյանը, 

    Հանձնաժողովի անդամ`                             Աիդա Արտյոմի Ավագյանը: 

    Սկսած 2007թ. Հանձնաժողովի առաջին կազմակերպչական կառուցվածքը բաղկացած էր 4 ստորաբաժանումներից` սակագնային քաղաքականության և ֆինանսական վերլուծության, իրավաբանական, մեթոդաբանության, հետազոտությունների, լիցենզավորման, մոնիթորինգի և վերահսկողության ու վարչատնտեսական բաժիններից: 2010թ. հունիսի 18-ին Լեռնային Ղարաբաղի Հանրապետության նախագահի հրամանագրով հանրային ծառայությունները և տնտեսական մրցակցությունը կարգավորող պետական հանձնաժողովի նախագահ Վաչե Սուրենի Ադամյանը ազատվել է զբաղեցրած պաշտոնից: 

    Նույն օրը Լեռնային Ղարաբաղի Հանրապետության նախագահի հրամանագրով Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահ է նշանակվել Հակոբ Շահրամանի Ղահրամանյանը՝ երկու տարի պաշտոնավարման ժամկետով: Հանձնաժողովի անդամներ` Աիդա Արտյոմի Ավագյանը և Հայկ Ցոլակի Թորոսյանը, լիազորությունների ժամկետի ավարտից հետո վերանշանակվել են Հանձնաժողովի անդամի պաշտոններում: 2010թ. հուլիսին Անդրեյ Վլադիմիրի Մուսայելյանը՝ պաշտոնավարման ժամկետի ավարտից հետո նշանակվել է Հանձնաժողովի աշխատակազմի հանրային ծառայությունների կարգավորման և սպառողների հետ կապերի բաժնի պետ: 2010թ. հոկտեմբերին հանձնաժողովի անդամ է նշանակվել Սևակ Անատոլիի Բեգլարյանը: Հանձնաժողովի երկրորդ կազմակերպչական կառուցվածքը բաղկացած էր չորս ստորաբաժանումներից` հանրային ծառայությունների կարգավորման և սպառողների հետ կապերի, հետազոտությունների, վերլուծության և կիրարկման, իրավաբանական, մեթոդաբանության և լիցենզավորման, հաշվառման և վերահսկողության բաժիններից: Հանձնաժողովի երրորդ կազմակերպչական կառուցվածքը բաղկացած էր չորս ստորաբաժանումներից` հանրային ծառայությունների կարգավորման և սպառողների հետ կապերի, տնտեսական մրցակցային միջավայրի հետազոտության, վերլուծության և վարչական վարույթի, հեռահաղորդակցության ոլորտի կարգավորման, հաշվառման և վերահսկողության բաժիններից: 

    2010թ. հոկտեմբերի 2-ին Հայաստանի Հանրապետության հանրային ծառայությունները կարգավորող և Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովների միջև կնքվեց համագործակցության համաձայնագիր` ձգտելով երկու մարմինների հետագա մերձեցմանը, պետական կարգավորման ոլորտներում օրենսդրությունների և դրանց կիրարկման մեխանիզմների ներդաշնակեցմանը, երկու հանձնաժողովների համագործակցության զարգացմանը, ինչպես նաև Լեռնային Ղարաբաղի Հանրապետության հանձնաժողովի ինտեգրմանը միջազգային կառույցներին: 2010թ. հոկտեմբերի 16-ին Հայաստանի Հանրապետության տնտեսական մրցակցության պաշտպանության պետական և Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովների միջև կնքվեց համագործակցության համաձայնագիր՝ հաշվի առնելով տնտեսական մրցակցության պաշտպանության քաղաքականության իրականացման դերը շուկայական տնտեսության արդյունավետ զարգացման և խթանման գործում, ինչպես նաև կարևորելով մրցակցության պաշտպանության քաղաքականության իրականացման հարցում Կողմերի միջև համագործակցության ամրապնդումը: 

    2011թ. մարտի 28-ին Հայաստանի Հանրապետության հեռուստատեսության և ռադիոյի ազգային և Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովների միջև կնքվեց համագործակցության համաձայնագիր: Հաշվի առնելով հեռուստատեսության և ռադիոյի` որպես զանգվածային լրատվական միջոցների դերը հասարակության մշակութային, կրթական, սոցիալ-տնտեսական ու հասարակական-քաղաքական տեղեկատվության մատչելիության գործում, և այդ կապակցությամբ նշված բնագավառի արդյունավետ զարգացման և խթանման համար, կարևորել հեռուստատեսության և ռադիոյի բնագավառում քաղաքականության իրականացման հարցերում Կողմերի պետական կարգավորման ոլորտում օրենսդրությունների և կիրարկման մեխանիզմների ներդաշնեկեցումը, ինչպես նաև Լեռնային Ղարաբաղի Հանրապետության հանձնաժողովի ինտեգրումը միջազգային կառույցներին: 

    2011թ. հուլիսին Գարիկ Զոհրապի Ավանեսյանի պաշտոնավարման ժամկետի ավարտից հետո Հանձնաժողովի անդամ, նախագահի տեղակալ է նշանակվել Միքայել Սամվելի Վիրաբյանը: 2012թ. հուլիսի 12-ին Լեռնային Ղարաբաղի Հանրապետության նախագահի հրամանագրով Հակոբ Շահրամանի Ղահրամանյանը վերանշանակվել է Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահ` 5 տարի պաշտոնավարման ժամկետով:

    2013 թվականի ապրիլի 23-ին ԼՂՀ Նախագահ Բակո Սահակյանն ստորագրել է հրամանագիր, համաձայն որի` վաղաժամկետ դադարեցվել են ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի նախագահ Հակոբ Շահրամանի Ղահրամանյանի լիազորությունները՝ իր դիմումի համաձայն այլ աշխատանքի անցնելու կապակցությամբ: Նախագահի մեկ այլ հրամանագրով` նույն օրը Լևոն Ստեփանի Մնացականյանը նշանակվել է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի նախագահ՝ մինչև 2017 թվականի հուլիսի 12-ը պաշտոնավարման ժամկետով։ 2013թ. հուլիսին 18-ին Հայկ Ցոլակի Թորոսյանի պաշտոնավարման ժամկետի ավարտից հետո Հանձնաժողովի անդամ է նշանակվել Գագիկ Համոյի Խաչատրյանը՝ հինգ տարի պաշտոնավարման ժամկետով: 2013 հուլիսի 18-ին ԼՂՀ Նախագահ Բակո Սահակյանն ստորագրել է հրամանագիր ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի անդամ Սևակ Անատոլիի Բեգլարյանի լիազորությունները վաղաժամկետ դադարեցնելու մասին՝ իր դիմումի համաձայն։ Երկրի ղեկավարի մեկ այլ հրամանագրով` Լիանա Վլադիմիրի Ավանեսյանը նշանակվել է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի անդամ՝ մինչև 2015 թվականի հոկտեմբերի 15-ը պաշտոնավարման ժամկետով։ ԼՂՀ նախագահ Բակո Սահակյանի 2014 թվականի օգոստոսի 8-ին ստորագրած հրամանագրի համաձայն՝ Մարինա Ավլադիկի Սարգսյանը նշանակվել է ԼՂՀ ՀԾՏՄԿՊ հանձնաժողովի անդամ՝ հինգ տարի պաշտոնավարման ժամկետով: 2015 թվականի հոկտեմբերի 19-ին ԼՂՀ նախագահ Բակո Սահակյանի ստորագրած հրամանագրի համաձայն՝ Լիանա Վլադիմիրի Ավանեսյանը վերանշանակվել է ԼՂՀ ՀԾՏՄԿՊ հանձնաժողովի անդամ՝ հինգ տարի պաշտոնավարման ժամկետով: ԼՂՀ Նախագահ Բակո Սահակյանի հրամանագրով ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի նախագահ Լևոն Ստեփանի Մնացականյանը իր դիմումի համաձայն ազատվել է զբաղեցրած պաշտոնից: ԼՂՀ Նախագահ Բակո Սահակյանի՝ 2016 թվականի ապրիլի 29-ին ստորագրած հրամանագրով ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի նախագահ է նշանակվել Հակոբ Շահրամանի Ղահրամանյանը: 2016 թվականի հուլիսի 12-ին ԼՂՀ նախագահ Բակո Սահակյանն ստորագրել է հրամանագիր, համաձայն որի՝ Միքայել Սամվելի Վիրաբյանը նշանակվել է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի նախագահի տեղակալ՝ հինգ տարի պաշտոնավարման ժամկետով։ ԱՀ Նախագահ Բակո Սահակյանի 2018թ. հուլիսի 18-ի հրամանագրով Գագիկ Համոյի Խաչատրյանը վերանշանակվել է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի անդամ՝ մինչև 2023թ. հուլիսի 18-ը պաշտոնավարման ժամկետով: 2019 թվականի հունվարի 31-ին Արցախի Հանրապետության նախագահ Բակո Սահակյանը ստորագրել է հրամանագիր, համաձայն որի՝ Հակոբ Շահրամանի Ղահրամանյանն ազատվել է հանրային ծառայությունները և տնտեսական մրցակցությունը կարգավորող պետական հանձնաժողովի նախագահի պաշտոնից՝ իր դիմումի համաձայն այլ աշխատանքի անցնելու կապակցությամբ: 2019 թվականի փետրվարի 12-ին ԱՀ նախագահ Բակո Սահակյանն ստորագրել է հրամանագիր, համաձայն որի՝ Միքայել Սամվելի Վիրաբյանը նշանակվել է Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահ՝ մինչև 2022 թվականի հուլիսի 12-ը պաշտոնավարման ժամկետով՝ ազատվելով Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահի տեղակալի պաշտոնից։ 2019թ. փետրվարի 18-ին ԱՀ Նախագահ Բակո Սահակյանի հրամանագրով Արկադի Իվանի Սողոմոնյանը նշանակվել է ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի նախագահի տեղակալ՝ մինչև 2021 թվականի հուլիսի 12-ը պաշտոնավարման ժամկետով: 

    ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի 2019թ. մարտի 29-ի N 11 Ա որոշմամբ հաստատվել է Հանձնաժողովի նոր կանոնադրությունը և վերակազմակերպման արդյունքում ձևավորվել է հետևյալ կառուցվածքը. 

    • հանրային ծառայությունների կարգավորման վարչություն, 

     իրավաբանական և լիցենզավորման վարչություն, 

    • տնտեսական մրցակցության պաշտպանության բաժին, 

     կազմակերպչական, վերահսկողական, վերլուծական աշխատանքների համակարգման և մոնիթորինգի բաժին, 

     հեռուստատեսության և ռադիոյի կարգավորման բաժին: 

    ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի 2019թ. մարտի 29-ի N 11 Ա որոշման մեջ կատարվել է փոփոխություն և Հանձնաժողովի 2020թ. ապրիլի 29-ի N 24-Լ որոշմամբ հաստատվել է  «ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի  «Աշխատակազմ» պետական կառավարչական հիմնարկի» Կանոնադրությունը և հաստատվել է հետևյալ կառուցվածքը. 

     հանրային ծառայությունների կարգավորման վարչություն, 

     իրավաբանական և լիցենզավորման վարչություն,

      տնտեսական մրցակցության պաշտպանության բաժին,

     հաշվառման, վերլուծության և վերահսկողության բաժին, 

      հեռուստատեսության և ռադիոյի կարգավորման բաժին, 

     ֆինանսատնտեսագիտական և հաշվապահական հաշվառման բաժին: 

    2019 թվականի օգոստոսի 8-ին Մարինա Ավլադիկի Սարգսյանը վերանշանակվել է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի անդամի պաշտոնում հինգ տարի պաշտոնավարման ժամկետով՝ մինչև 2024թ. օգոստոսի 8-ը: 

    2020 թվականի հուլիսի 15-ին ԱՀ Նախագահ Արայիկ Հարությունյանը ստորագրել է հրամանագիր համաձայն որի՝ վաղաժամկետ դադարեցվել են Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահ Միքայել Սամվելի Վիրաբյանի լիազորությունները՝ իր դիմումի համաձայն՝ այլ աշխատանքի անցնելու կապակցությամբ: 2020 թվականի հուլիսի 17-ին ԱՀ Նախագահ Արայիկ Հարությունյանը ստորագրել է հրամանագիր, որի համաձայն՝ վաղաժամկետ դադարեցվել են Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահի տեղակալ Արկադի Իվանի Սողոմոնյանի լիազորությունները՝ իր դիմումի համաձայն՝ այլ աշխատանքի անցնելու կապակցությամբ։ 

    2020 թվականի հուլիսի 17-ին ԱՀ Նախագահ Արայիկ Հարությունյանը ստորագրել է հրամանագիր Արտակ Վոլոդյայի Միրզոյանին ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի նախագահ նշանակելու մասին՝ մինչև 2022 թվականի հուլիսի 12-ը պաշտոնավարման ժամկետով: Նույն օրը ստորագրած մեկ այլ հրամանագրով՝ Գևորգ Սերժի Գրիգորյանը նշանակվել է Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահի տեղակալ՝ մինչև 2026 թվականի հուլիսի 12-ը պաշտոնավարման ժամկետով։

    2020 թվականի հոկտեմբերի 19-ին ԱՀ Նախագահ Արայիկ Հարությունյանը ստորագրել է հրամանագիր, որի համաձայն՝ պաշտոնավարման ժամկետի ավարտից հետո դադարեցվել են Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի անդամ Լիանա Վլադիմիրի Ավանեսյանի լիազորությունները: 2020 թվականի նոյեմբերի 2-ին ԱՀ Նախագահ Արայիկ Հարությունյանը ստորագրել է հրամանագիր համաձայն որի՝ վաղաժամկետ դադարեցվել են Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահ Արտակ Վոլոդյայի Միրզոյանի լիազորությունները՝ իր դիմումի համաձայն: 

    Արցախի Հանրապետության նախագահ Արայիկ Հարությունյանի՝ 2020թ. դեկտեմբերի 29-ի հրամանագրով Գևորգ Սերժի Գրիգորյանը նշանակվել է Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահ՝ մինչև 2022 թվականի հուլիսի 12-ը պաշտոնավարման ժամկետով՝ ազատելով Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահի տեղակալի պաշտոնից: Արցախի Հանրապետության նախագահ Արայիկ Հարությունյանի՝ 2020թ. դեկտեմբերի 30-ի հրամանագրով Սերգեյ Ալբերտի Գրիգորյանը նշանակվել է Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նախագահի տեղակալ՝ մինչև 2026 թվականի հուլիսի 12-ը պաշտոնավարման ժամկետով:

    Հանձնաժողովը` յուրաքանչյուր տարի` մինչև դեկտեմբերի 1-ը, Արցախի Հանրապետության Ազգային ժողովում հրապարակում է հաջորդ տարվա իր գործունեության ծրագիրը: