ԱՐԴԻԱԿԱՆ ԹԵՄԱՆԵՐ
  • Լոնդոնը մտադիր է ԵՄ-ի հետ հետագա հարաբերությունները կառուցել միայն իրավահավասարության հիմունքներով
    Մեծ Բրիտանիան մտադիր է ԵՄ-ի հետ հետագա հարաբերությունները կառուցել միայն կողմերի հավասար իրավունքների հիման վրա: Այս մասին հայտարարել է Brexit- ի շուրջ բանակցություններում, ինչպես նաեւ Եվրամիության հետ առեւտրային բանակցություններում Մեծ Բրիտանիայի վարչապետի ներկայացուցիչ Դեյվիդ Ֆրոստը: Բրյուսելի Ազատ համալսարանում Ֆրոստի ելույթից հատվածներ է տարածել Բրիտանիայի կառավարության ղեկավարի գրասենյակը, փոխանցում է ՏԱՍՍ-ը:«Եթե ԵՄ-ն իսկապես ցանկանում է ամուր եւ երկարաժամկետ հարաբերություններ կառուցել մեզ հետ այս ծայրահեղ բարդ պայմաններում, ինչպ
  • Հայաստանի տնտեսությունը պահպանում է բարձր աշխուժություն. Համաշխարհային բանկի գնահատականը
    Համաշխարհային բանկի գնահատմամբ՝ Հայաստանի տնտեսությունը պահպանում է բարձր աշխուժությունը, ընդ որում՝ աճի հիմնական շարժիչը ծառայություններն են ու հանքարդյունաբերության վերականգնումը: Այս մասին ասված է Համաշխարհային բանկի՝ Հայաստանի ամսական տնտեսական զարգացումների վերաբերյալ համառոտագրում:Համաշխարհային բանկը նկատել է՝ տնտեսական ակտիվության ցուցանիշի աճը (ՏԱՑ) դեկտեմբերին նախորդ տարվա նույն ժամանակահատվածի նկատմամբ հասել է գագաթնակետին՝ 10.7 տոկոսի: «Աճի ամենաբարձր տեմպը շարունակեց գրանցվել ծառայությունների, մասնավորապես՝ տրանսպ
  • Ֆիզանձանց կողմից ԵԱՏՄ-ից ներմուծվող ապրանքների չափերը կնվազեցվեն
    ՀՀ կառավարությունն այսօր հավանություն է տվել ֆիզիկական անձանց կողմից Եվրասիական տնտեսական միության անդամ պետություններից ներմուծվող ապրանքների ակնհայտ առեւտրային չափաքանակները նվազեցնելու մասին նախագծին: ՀՀ Պետական եկամուտների կոմիտեի նախագահ Դավիթ Անանյանի խոսքով՝ որոշման նպատակն է կանխարգելել ապօրինի ձեռնարկատիրությանն առնչվող ռիսկերը, քանի որ գործնականում առկա է ֆիզիկական անձանց կողմից թույլատրելի չափաքանակների շրջանակում առանց մաքսատուրքերի ու հարկերի վճարման անձնական օգտագործման նպատակով ապրանքների ներմուծման, իսկ հետագա
  • Այսօր Ռադիոյի համաշխարհային օրն է
    Ռադիոյի համաշխարհային օրը ՅՈՒՆԵՍԿՕ-ի գլխավոր համաժողովի որոշմամբ ամեն տարի, սկսած 2012թվականից, նշվում է փետրվարի 13-ին։ 2013թ․ հունվարին ՄԱԿ Գլխավոր ասամբլեան պաշտոնապես հավանության արժանացրեց տոնի հռչակումը եւ 67-րդ նստաշրջանում ընդունեց բանաձեւ՝ փետրվարի 13-ը հայտարարելով Ռադիոյի համաշխարհային օր։Տոնի ամսաթիվը պատահական չի ընտրվել՝ 1946թ․ հենց փետրվարի 13-ին է առաջին անգամ եթեր դուրս եկել «ՄԱԿ-ի ռադիոն», որի կայանը գտնվում էր Միացյալ ազգերի կազմակերպության գլխավոր գրասենյակում։Ինչպես ասում են տոնը հիմնադրողները, այն ոչ միայն պետք է արժանին
  • Կորոնավիրուսի ազդեցությունը տնտեսության վրա G20-ի հանդիպման հիմնական թեման կլինի
    2019-nCoV վիրուսով պայմանավորված թոքաբորբի բռնկման ազդեցությունը համաշխարհային տնտեսության վրա կլինի G20-ի երկրների ֆինանսների նախարարների եւ կենտրոնական բանկի կառավարիչների հանդիպման հիմնական թեման: Հանդիպումը տեղի կունենա Սաուդյան Արաբիայում փետրվարի 22-ին եւ 23-ին, հայտնում է ՏԱՍՍ-ը` վկայակոչելով Kyodo-ն:Հաղորդվում է նաեւ, որ հանդիպման մասնակիցները կքննարկեն հնարավոր հակամիջոցները` կապված ստեղծված իրավիճակի հետ, որը, մասնավորապես, հանգեցրել է  ապրանքների մատակարարման շղթայի խաթարմանը եւ զբոսաշրջիկների հոսքի նվազմանը:2019-nCoV վիրուսով պայման
  • Ճապոնիան ծրագրում է 2-3 տարվա ընթացքում թվային իեն թողարկել
    Ճապոնիան ծրագրում է 2-3 տարվա ընթացքում թվային իեն թողարկել, հայտարարել է երկրի Լիբերալ-դեմոկրատական կուսակցության բանկային եւ ֆինանսական համակարգերի հետազոտման հանձնաժողովի ղեկավար Կոզո Յամամոտոն։ Նրա խոսքերով՝ կառավարությունը իր կրիպտոարժույթի մշակումը կներառի զարգացման միջնաժամկետ ծրագրի մեջ եւ կդարձնի այն կարեւոր ուղղություններից մեկը, հայտնում է Reuters-ը։Նա հավելել է, որ յուրաքանչյուր երկիր սեփական թվային վճարային համակարգի միջոցով պետք է վերահսկի դրամական միջոցների հոսքը։ Դա կարող է կանխել մեծ տատանումները ճգնաժամի ընթացքում եւ
  • Չինական բորսաները անկումով են մեկնարկել
    Երկուշաբթի մայրցամաքային Չինաստանում նոր տեսակի կորոնավիրուսի տարածման ֆոնին ամանորյա տոներից հետո ֆոնդային բորսաներում սակարկությունները սկսվել են ավելի քան 8 տոկոս անկմամբ, այս մասին վկայում են սակարկությունների տվյալները, փոխանցում է «ՌԻԱ Նովոստի»-ն:Մայրցամաքային Չինաստանի բորսաներում վերջին անգամ սակարկություններն անցկացվել էին հունվարի 23-ին՝ չինական նոր տարուց առաջ, այս արձակուրդների ժամանակ վարակվածների թիվը 30 անգամ աճել է, իսկ մահացածների թիվը՝ 20:Shanghai Composite շանհայյան ֆոնդային բորսայի հիմնական ինդեքսը ընկել է 8,07 տոկոսով՝ մինչե
    Թեժ գիծ
    +374 (047) 959555
    ԱՀ ՀԾՏՄԿՊ հանձնաժողովի նախագահ Հակոբ Ղահրամանյանի տարեվերջյան նիստի ելույթը
    27 Դեկտեմբերի 2018
    Հարգելի գործընկերներ, ԶԼՄ-ների, հասարակական կազմակերպությունների ներկայացուցիչներ և ներկաներ.
    Հաշվի առնելով, որ այս նիստը Հանձնաժողովի 2018 թվականի վերջին նիստն է, ուստի ցանկանում եմ մի փոքր էքսկուրս կատարել և տեղեկատվություն ներկայացնել ընթացիկ տարում կատարած աշխատանքների որոշ ուղղությունների վերաբերյալ: Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովին առնչվող տարեկան բոլոր ծրագրերը՝ շնորհիվ համակարգված ու արդյունավետ աշխատանքի, հաջողությամբ կյանքի են կոչվել: Դրանում մեծ է ձեր դերակատարումը, որովհետև այդ ամենը կյանքի է կոչվել ինչպես Ձեր վստահության ու նվիրումի, այնպես էլ Ձեր աջակցության, անմիջական մասնակցության շնորհիվ: 
    Տարեմուտին ընդունված է ամփոփել արվածն ու կազմել նոր ծրագրեր հաջորդ տարվա համար: 
    Նշեմ, որ  Հանձնաժողովը 2019 թվականի տարեկան գործունեության ծրագիրը արդեն հրապարակել է Արցախի Հանրապետության Ազգային Ժողովում: 
    2018 թվականի ընթացքում էներգետիկայի բնագավառում  4 ընկերությունների տրամադրվել է փոքր հիդրոէլեկտրակայաններում էլեկտրական էներգիայի արտադրության 5 և 11 ընկերությունների կառուցման 11 լիցենզիաներ: Այցելությունների միջոցով հսկողություն է իրականացվել ՀԷԿ-րի կառուցման ընթացքի և ժամկետների պահպանման նկատմամբ, իսկ խախտողների հանդեպ կիրառվել օրենսդրությամբ սահմանված միջոցներ:
    Տարվա ընթացքում դիտանցումներով խիստ վերահսկողություն է սահմանվել այն ապրանքային շուկաներում, որտեղ կան գերիշխող դիրք ունեցող տնտեսավարող սուբյեկտներ՝ հակամրցակցային գործողությունների, գների անհիմն բարձրացումների կանխարգելման նպատակով:
    2018 թվականի հունվար-դեկտեմբերին ուսումնասիրված 43 ապրանքային շուկաներում առկա 80 ապրանքատեսակներից, միջին գների անկում արձանագրվել է 28, գնաճ՝ 13 ապրանքատեսակների համար: Մնացած 39 ապրանքատեսակների միջին գները մնացել են անփոփոխ կամ տատանվել են 2%-ի միջակայքում: Ուսումնասիրվող ապրանքատեսակների գների բոլոր փոփոխությունները դիտարկվել են Օրենքի տառին և ոգուն համապատասխան ու տրվել գնահատականներ:
    Իրականացվել է նաև ապրանքային շուկաների կառուցվածքի ուսումնասիրություն, որի արդյունքում պարզվել է, որ 4-ով նվազել է գերիշխող դիրք ունեցող տնտեսավարող սուբյեկտների քանակը: Դա ցույց է տալիս, որ շուկայում առկա է մրցակցություն և այն ավելի է ազատականացվել, ինչն էլ իր ազդեցությունն է թողել գնագոյացման քաղաքականության վրա:
    2018 թվականի ընթացքում տնտեսական մրցակցության պաշտպանության բնագավառում իրականացրած գնագոյացման և ապրանքային շուկաների կառուցվածքի 116 ուսումնասիրությունների և շաբաթական դիտանցումների արդյունքում, բացառվել է գերիշխող դիրքի չարաշահման, մասնավորապես չհիմնավորված գների կիրառման դեպքեր:
    2018 թվականին Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի և հեռահաղորդակցության ոլորտի օպերատորի միջև մի քանի փուլերով ընթացած քննարկումների և բանակցությունների արդյունքում՝ ընթացիկ տարում հաստատվել են  ընկերության կողմից մատուցվող մի շարք ծառայությունների նոր՝ 32 նվազեցված սակագներ: 
    Պարբերաբար անց է կացվել ռադիոընկերություններին տրամադրված ռադիոեթերների մոնիթորինգներ Արցախի Հանրապետությունում 2432 ժամ և ՀՀ-ում 690 ու 145 ժամ: 
    ՀՀ գործընկեր Հանձնաժողովների հետ իրականացվել են նախընտրական քարոզարշավին վերաբերող հեռուստառադիոհաղորդումների մոնիթորինգ և  ինստիտուցիոնալ համագործակցություն տարբեր բնագավառներում: Հանձնաժողովը սերտ համագործակցության մեջ է գտնվել ՀՀ գործընկեր հանձնաժողովների հետ և մասնակցել է տարբեր քննարկումների ու միջազգային սեմինարների:
    Ամփոփելով նշեմ, որ 2018 թվականին Հանձնաժողովը անց է կացրել 18 նիստ, հանրային հնչեղություն ունեցող հարցերին վերաբերող՝ 28 խորհրդակցություն: Նիստերում քննարկվել են  90 հարց  և ընդունվել 79 նորմատիվ, իրավական և անհատական որոշումներ:
    Շրջանառվել են տարբեր բովանդակության 1800-ից ավելի գրություն, որից 11 դիմում-բողոք, մեկնաբանություններ:  Բոլորը քննարկվել են և տրվել համապատասխան լուծումներ: Տարբեր ձևաչափերով քննարկվել է նաև հանրության շրջանում լայն արձագանք ստացած ներտնային գազասպասարկման վճարների ներդրման, պայմանագրերի վերակնքման և հացի գնի թանկացման հարցերը: Պայմանագրերի վերակնքման ժամկետի  երկարաձգումը և հացի գնի պահպանումը արդյունք է նաև այդ քննարկումների: 
    Տարվա ընթացքում անց են կացվել հանդիպումներ և բազմաբովանդակ քննարկումներ  ԱՀ ԱԺ-ի պատգամավորների, հասարակական կազմակերպությունների ու զանգվածային լրատվամիջոցների ներկայացուցիչների հետ և տրվել համապատասխան պարզաբանումներ: 
    Համոզված եմ, որ այդ նույն վստահությամբ և նվիրումով աշխատելու ենք նաև 2019 թվականին ու հաջորդող բոլոր տարիներին, որպեսզի օր առաջ ունենանք մեր բոլորի երազած հայրենիքը, կարողանանք գալիք տարում լրացնել բացթողումները և լուծում տալ այն բոլոր հիմնախնդիրներին, որոնց լուծման իրավասությունը վերապահված է մեր Հանձնաժողովին: 
      Մի քանի օրից 2019 թվականը կմտնի իր իրավունքների մեջ, առիթից օգտվելով շնորհավորում եմ հայ ժողովրդին Ամանորի և Սուրբ Ծննդյան տոների կապակցությամբ: Ցանկանում եմ, որ 2019 թվականը լինի խաղաղության և իղձերի իրականացման տարի ու մեր երկրին բերի միջազգային ճանաչում: 
    Բոլորին մաղթում եմ համերաշխություն, առողջություն, հաջողություն և երջանկություն:

    ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ  ԾՆՈՒՆԴ

    << Վերադարձ ցուցակի